スーパー丼 (駱克道) (已結業)

Superdon, 超级丼，听个名就好似好劲咁，即管入去试下佢有几super 。餐厅装修同摆设简约，环境舒适，而且所有既丼都系用日本米，好正宗。有好多款丼选择，个个都咁吸引，唯有拣个最劲既特上北海道海鲜丼，一份饺子，一客三文鱼鲛特上海鲜丼刺身好多，全部都系靓野，带子同海胆好鲜甜，同函馆朝巿食既一样甜。吞拿鱼腩同油甘鱼好肥美，好好味。海胆份量都算多，但其实有几多都唔够。呢个海鲜丼真的非常super好味，而且价钱都唔算贵。其他小食水准正常，当然丼就远超预期。