影片
更多
2021-04-11
1525 浏览
你今天有好好吃饭吗？.我有。☺️.朋友生日，我地订咗位系呢一间餐厅食晚餐。早早做完啲嘢，6点几就收工黎到，天色仲有少少透亮，自然光照射落餐厅度，感觉颇具异国风情。睇睇下餐牌，开始夜幕低垂，天花板嘅黄灯打落深木色嘅桌子，加上窗外嘅湾仔商厦开扬夜景，整个环境开始变得浪漫起来，可惜，她是个女的。😂三心两意拣嚟拣去都拣唔到食咩，最后我哋贪方便地叫咗个$1388嘅二人餐。.第一碟上嘅系餐汤，ah sorry，not餐汤，系Lobster soup 龙虾汤先啱，用餐汤呢个字黎形容佢似乎颓咗少少。有别于普通嘅忌廉龙虾汤，呢一个龙虾汤嘅汤头系清澈嘅，无cream但系却滑得好似落咗cream咁，每一啖都有一丝丝嘅龙虾肉，鲜而不腻，令人饮完之后，开始对嚟紧嘅菜式有极高期望。😋第二碟上嘅系Tuna steak，上层有芒果、番茄加苜宿芽嘅清新配搭，下层则是半生熟吞拿鱼。入口鲜而开胃，半熟嘅吞拿鱼，毫无腥味，一丝丝嘅口感，质感系猪扒同鱼扒中间，非常特别。第三碟上嘅芝士菠菜焗生蚝，最简单可以用四个字形容，就系恰到好处。啱啱好嘅咸度，啱啱好嘅生蚝熟度，啱啱好嘅芝士份量，再加埋嫩口无渣嘅菠菜，入口似生还熟，无论钟意食生
.
我有。☺️
.
朋友生日，我地订咗位系呢一间餐厅食晚餐。
早早做完啲嘢，6点几就收工黎到，天色仲有少少透亮，自然光照射落餐厅度，感觉颇具异国风情。
睇睇下餐牌，开始夜幕低垂，天花板嘅黄灯打落深木色嘅桌子，加上窗外嘅湾仔商厦开扬夜景，整个环境开始变得浪漫起来，可惜，她是个女的。😂
三心两意拣嚟拣去都拣唔到食咩，最后我哋贪方便地叫咗个$1388嘅二人餐。
.
第一碟上嘅系餐汤，ah sorry，not餐汤，系Lobster soup 龙虾汤先啱，用餐汤呢个字黎形容佢似乎颓咗少少。有别于普通嘅忌廉龙虾汤，呢一个龙虾汤嘅汤头系清澈嘅，无cream但系却滑得好似落咗cream咁，每一啖都有一丝丝嘅龙虾肉，鲜而不腻，令人饮完之后，开始对嚟紧嘅菜式有极高期望。😋
第二碟上嘅系Tuna steak，上层有芒果、番茄加苜宿芽嘅清新配搭，下层则是半生熟吞拿鱼。入口鲜而开胃，半熟嘅吞拿鱼，毫无腥味，一丝丝嘅口感，质感系猪扒同鱼扒中间，非常特别。
第三碟上嘅芝士菠菜焗生蚝，最简单可以用四个字形容，就系恰到好处。啱啱好嘅咸度，啱啱好嘅生蚝熟度，啱啱好嘅芝士份量，再加埋嫩口无渣嘅菠菜，入口似生还熟，无论钟意食生蚝，定系平时唔食生蚝嘅人都绝对会爱上。
紧接落嚟嘅系温泉蛋鹅肝，鹅肝食得多，温泉蛋亦都成日食，但系两者交融嘅配搭就系第一次尝试，用筷子戳破温泉蛋之后，轻轻将其与鹅肝拌为一体，加上少少酱油，呢一个西日合璧嘅菜式，竟是出奇地合拍，温泉蛋中和左鹅肝嘅油腻感，并将鹅肝嘅幼滑口感推到极致。
食到一半之际，大蚬就送到我哋嘅枱上，一边影相一边闻到泰式香料嘅香气飘入鼻腔。大蚬浸泡系有少少似青咖喱，又有少少似白汁嘅酱汁之中，将本来就鲜甜嘅味道再推上更高嘅层次，非常滋味，另外佢个酱汁真系好味到可以就咁饮，系完全可以摆系menu作为其中一款汤嘅质素。
每一碟𩠌菜都系惊喜连连，而接下来嘅whole lobster很实在“将成晚嘅美味push上巅峰，布满芝士嘅龙虾🦞肉质极为爽弹，虾膏满满，虾膏除咗就咁食之外，仲可以加落下面嘅沙律菜作为酱汁，每啖入口都系无可挑剔。
原本嘅menu仲有一款牛，但系由于朋友唔食牛嘅关系，所以餐厅好贴心咁帮我哋转咗做白汁蘑菇意粉，简简单单嘅一碟意粉系厨师嘅烹调工架下都变得豪不简单，入口弹牙烟韧，黑椒同菇菌嘅香气互相交融，食完饱肚又满足。
最后虽然食到好饱，但系我哋仍然对送上嘅甜品感到满心欢喜，热辣辣新鲜焗起嘅朱古力心太软加上冻冰冰啱啱整好嘅柠檬柚子雪糕tart，一热一冻，前者苦甜，后者酸甜，两款嘅甜腻度都balance得是那么的恰到好处，若要在成餐饭里面鸡蛋了挑骨头，唯一就系个心太软中间嘅朱古力可以在流心多少少，除此之外，呢餐确实系可以评作为几乎完美的一餐。
张贴
