紫甜

营业中

休息中

今日去青衣朋友屋企吹下水，食完饭见时间尚早，有咩好做？唔洗问，同老婆加埋佢嘅朋友，女人... 加埋女人...㖞！第二个胃㖞！甜品Lee D嘢又点会少得架！真系比较少嚟青衣，Seach下见到咁多选择，佢哋话Lee间系新嘢㖞，好...就拣佢！一入去感觉几舒服，又大又干净，唔系市区一般好迫嘅甜品店，又无"痴笠笠"嘅感觉，唔错！今日真系比较早都仲未有好多人，唔洗等，非常好。店员话芒果正㖞，冻嘢又啱我，唔洗谂就"芒果西米捞"啦，真系好味，芒果汁底好浓，仲有一旧旧芒果肉，坚嘢食到啖啖肉，唔系hea店得几粒𠮶种，唔错。佢哋就叫热嘢，"腐竹清心丸"，"生磨芝麻湖+汤丸"，咖喱鱼蛋。我试咗老婆𠮶碗芝麻湖，芝麻香真系好劲，店员话自家制系师傅自己磨，女人要靓，Lee D滋润嘢啱晒佢啦！系㖞，Lee间除咗甜品，见Menu仲有其他嘢食，听店员讲饺子都好食，系舖头自己包，唔系入货嘅，包新鲜咁话，不过今晚食饱饭食唔落，下次啦！小店就有Lee度好，样样嘢嘅质素都好D，食嘅嘢佢讲得出有几新鲜，甜品又唔会只得个甜，Lee间可以再食。