影片
更多
2013-08-24
3413 浏览
有外籍朋友由美国越洋访港，XO仔同友人都深知佢不太习惯进食中菜，所以一早就谂定同佢食西餐洗尘。因小肥最近恋上Argentine Tango，喺openrice度揾野食时见到有间餐厅居然以此起名，所以就提议大家一齐去试食 。𠮶日收早，小肥由湾仔慢慢行去中环，经砵典乍街上石板街再转入云咸街，大约四十五分钟就到达目的地Tango Argentinian Steakhouse，比订枱时间早到咗二十分钟。虽然附近有好多餐厅同酒吧，但Tango Argentinian Steakhouse一啲都唔难揾，因为个水牌够显眼，不过佢位置o既最大问题系正门条街太多车塞住 ，如果搭的士或巴士都要预松少少时间。一出升降机已经听到悦耳o既Argentine Tango音乐，枱上o既餐牌及墙上o既摆设亦以Argentine Tango为主题，衬托住柔和o既灯光，气氛其实几唔错。可惜带位姐姐o既黑面大杀风景，再者，小肥坐咗成十分钟都冇人理采过我 ，就连水都冇杯 ；眼见餐厅入座率只有约10%，而且客人为清一色外国人，心中开始有种不祥o既预感。有样野好奇怪，就系餐厅以刀叉作灯罩，喺食客o既头顶，小肥真系有少少担
𠮶日收早，小肥由湾仔慢慢行去中环，经砵典乍街上石板街再转入云咸街，大约四十五分钟就到达目的地Tango Argentinian Steakhouse，比订枱时间早到咗二十分钟。虽然附近有好多餐厅同酒吧，但Tango Argentinian Steakhouse一啲都唔难揾，因为个水牌够显眼，不过佢位置o既最大问题系正门条街太多车塞住 ，如果搭的士或巴士都要预松少少时间。
一出升降机已经听到悦耳o既Argentine Tango音乐，枱上o既餐牌及墙上o既摆设亦以Argentine Tango为主题，衬托住柔和o既灯光，气氛其实几唔错。可惜带位姐姐o既黑面大杀风景，再者，小肥坐咗成十分钟都冇人理采过我 ，就连水都冇杯 ；眼见餐厅入座率只有约10%，而且客人为清一色外国人，心中开始有种不祥o既预感。有样野好奇怪，就系餐厅以刀叉作灯罩，喺食客o既头顶，小肥真系有少少担心啲刀叉会跌落黎啰 ！
当晚朋友们都因突如其来o既大雨而迟到，小肥就先叫杯鸡尾酒黎解吓渴：Guava Cosmo（$68）：杯石榴味鸡尾酒味道唔太甜，又唔太酸，问题系冇乜酒味！
饮完杯鸡尾酒，终于有服务生主动黎招呼我，睇吓我会唔会叫多杯，结果小肥叫左杯Argentinian sparkling wine：
Trapiche Brut（$62/杯；$300/樽）：阿根廷汽酒，续杯叫份量都算斟到好满，感觉餐厅都好大方。
朋友到齐后，为咗要比多少少时间佢地研究餐牌，XO仔就走咗去餐厅o既开放式厨房度影相。两位阿根廷籍大厨真系非常搞鬼，问我系咪要影佢地同索取佢地o既签名，仲非常友善地摆埋甫士比我影添 ，相比起负责我地张枱o既伙计们，态度真系差得远！
影完相返埋位，大家决定好叫几款小食同两份牛扒黎分，谂住叫野食啦，点知侍应姐姐哥哥们居然叫我地等 ，以餐厅咁唔满o既情况下仲要等成十多分钟，似乎有啲不知所谓啰 ！虽然我地叫咗原枝阿根廷酒黎饮，不过成晚o既酒水除左第一杯之外，其余都系自己斟 ，莫非依啲就系阿根廷式服务？！只会跳舞，不懂斟酒？！至于餐厅o既食物，等小弟续道菜式略作批评：Salmon Ceviche（$148）：粒粒三文鱼咬落爽滑，味道又调得好香甜，而且一啲腥味都冇，系小肥全晚唯一满意o既一味 ！
Morcilla Sausage（$68）：此乃阿根廷名菜之「血肠」。中式猪红，鸡红，鹅红就食得多，小肥同友人都系睇menu先知原来阿根廷人都兴食血制食品，大家都话要叫黎试下！「血肠」层皮又硬又韧，切极都切唔开；个馅就一pat pat，切开咗层比个馅就烂哂，入口味道颇为苦涩，真系叫人失望 ！
Calamari（$138）：用厚层沙律垫底，煎鱿鱼舖面，卖相一般。鱿鱼煎得太熟，肉质略韧，加上调味过咸，个人唔系好识欣赏。
Gaucho Platter（$498）：牛扒煮出黎熟medium rare，肉质口感味道各方面都尚算合格，但并不突出。
Churros con Chocolat（$130）：友人知道小肥钟意食churros，所以叫咗一份大家分。Churros松软香甜，可惜唔够干身，点上朱古力酱后咬落都仲好油腻，$130四条仔也实在太吝啬啦挂 ！
Don Pedro（$65）：依道有酒o既甜品同普通雪糕同价，而且居然比churros平差不多一半 ，XO仔出名cheap，当然系谂都唔洗谂就叫咗黎试吓啦！其实都算唔话得架啦，有4球雪糕，问题系佢用高杯上，少量o既whiskey好快就张最底层o既雪糕溶解，食客要食完三层雪糕先可以饮得到带whiskey味o既雪糕水 ！
其他：水（$46/樽）
“Humita” Sweet Corn（$58）
Sweet Potato（$58）
总结，Tango Argentinian Steakhouse环境气氛原本相当唔错，可惜服务生态度差劣 （只有大厨二人友善绝对唔足够！），加上食物质素与价格比例不符 ，平均每位要成$450，绝不抵食！因当晚实在太多不满，小肥不得不以Tango之谐音写返编「弹歌」黎赠兴！
张贴
