影片
更多
2023-02-21
30 浏览
我系饮少少酒就会红晒嘅人，唔系好饮得，但就好钟意比酒精包围𠮶种唔清醒，今次嚟到呢间专做手工啤酒嘅餐厅，觉得简直就系大开眼界。叫左葱油渍蚝($64)、卡津煎虾($78)、脆边汉堡($108)、白布蘑菇意($86)同一人一杯手工啤 - Jasmine Green Tea Wheat Beer ($81)同Ink ($86)。葱油渍蚝系用黑啤汁煮，黑啤以我理解应该系好苦𠮶种，但食落系有少少酒味，但都好易入口。卡津煎虾系男朋友叫的，本身我无咩寄望，因为我以为会有壳好麻烦，又或者可能有啲霉霉地咁。但出乎意料地，只只虾剥好晒壳，而且仍然系弹牙的，卡津蒜蓉牛油再加指天椒碎好惹味，忍唔住一只接一只咁食。脆边汉堡系最classic嘅配搭，牛肉芝士夹酸瓜🤣 食落唔会干争争，牛肉保留到肉汁，但唔系好肥好漏咁。白布蘑菇意，店员话意粉系佢地近期嘅新尝试，所以menu上都只有两种，但系觉得个意粉好好食㖞。意粉偏硬身有咬口，白汁偏浓稠挂晒上意粉，但唔会好漏，觉得佢地可以继续研发更多款式。上面嘅食物其实都系次要，因为餐厅嘅重点系手工啤酒，因为佢地系本地手工啤品牌 - 少爷啤旗下餐厅，都见店里面顾客本意系嚟饮酒吹水，而
叫左葱油渍蚝($64)、卡津煎虾($78)、脆边汉堡($108)、白布蘑菇意($86)同一人一杯手工啤 - Jasmine Green Tea Wheat Beer ($81)同Ink ($86)。
葱油渍蚝系用黑啤汁煮，黑啤以我理解应该系好苦𠮶种，但食落系有少少酒味，但都好易入口。
卡津煎虾系男朋友叫的，本身我无咩寄望，因为我以为会有壳好麻烦，又或者可能有啲霉霉地咁。但出乎意料地，只只虾剥好晒壳，而且仍然系弹牙的，卡津蒜蓉牛油再加指天椒碎好惹味，忍唔住一只接一只咁食。
脆边汉堡系最classic嘅配搭，牛肉芝士夹酸瓜🤣 食落唔会干争争，牛肉保留到肉汁，但唔系好肥好漏咁。
白布蘑菇意，店员话意粉系佢地近期嘅新尝试，所以menu上都只有两种，但系觉得个意粉好好食㖞。意粉偏硬身有咬口，白汁偏浓稠挂晒上意粉，但唔会好漏，觉得佢地可以继续研发更多款式。
上面嘅食物其实都系次要，因为餐厅嘅重点系手工啤酒，因为佢地系本地手工啤品牌 - 少爷啤旗下餐厅，都见店里面顾客本意系嚟饮酒吹水，而且对手工啤略有研究。本身对手工啤唔系好多认识，但店员好乐意解答我地嘅问题，而且会就住我地嘅喜好去介绍返我地应该会钟意嘅款式。
我钟意啲易入口、偏甜嘅，店员介绍左Jasmine Green Tea Wheat Beer同Pu’er English Strong Ale，我最后拣左5.2%嘅Jasmine Green Tea Wheat Beer。店员话呢款系加埋左茶去酿啤酒，味道都系偏甜啲。我平时饮得最多就系果汁酒，但呢款对我嚟讲都易入口，可以享鶢酒精嘅味道。
男朋友钟意黑啤，店员介绍左Ink同Taxi Driver，佢就拣左Ink，我试左一啖，对我嚟讲好苦🤣 但男朋友觉得真系有种墨嘅感觉，对应返佢个名。餐厅气氛好chill，感觉好适合大家返完一日工，嚟倾下计轻松下。呢间我会摆落pocket list，如果有一日朋友约饮酒，我会推介呢间。
= TAP - The Ale Project // 旺角黑布街19号地舖 // 2468 2010 =
张贴
