山景閣

营业中

休息中

今次亲威请我同屋企人食嘢，带咗我哋去尖沙咀既呢间酒店食𠮶下午茶buffet，啱岩好三点去到，即刻可以入去食，坐既位置都几阔落。因为系下午茶既关系，食物主要都系一啲小食同甜品为主。一嚟到就饮杯嘢先，因为有饮咖啡既习惯，所以一嚟到就去针咗杯Latte饮，但好似我妈咪咁唔饮咖啡，就可以饮热奶或者橙汁咁。前菜有啲沙律、涷既三文治同寿司等等，我都攞咗几件，好饱肚。水果就有西瓜、木瓜同菠萝。热既三文治同pizza都有，呢个热三文治系芝腿治，啲芝士食既时候系有拉丝，唔错唔错。虽然话少粉面，不过其实都仲有粥同即场整既叻沙，叻沙𠮶汤底都几好饮。热食有啲唔同既小食，𠮶薯仔就我觉得最好食，拎咗几次添。妈咪最钟意既岘，佢仲拎咗好多添～有水饺同南瓜果～到甜品啦！有好多唔同既蛋榚仔同tart，另外佢仲有部即场可以整既pancake机，再自己加唔同酱料添。