元気寿司 (已結業)

同朋友系朗豪坊做完脱毛后有d饿饿地，所以去左元气食tea。本身其实系想食回转寿司，但等左10分钟后，最后staff安排左个露天既位置比我同朋友，所以打消左呢个念头。一睇tea set menu，其实都几吸引人，又好似好抵食，所以同朋友一人叫左一个tea set，再额外加左一个三文鱼汤。三文鱼汤真系几足料，味道又鲜甜，朋友果然冇介绍错。食汤渣(三文鱼肉等等)都可以有饱肚感终于等到个tea set到，沙律份量偏少，但水果都新鲜既，食埋个乌冬其实都已经觉得饱。不过我觉得就咁食乌冬就好似有d单调(开始严尖)，所以建议大家拣tea set时可以拣流心蛋，食乌冬再打番只流心蛋，正！至于寿司方面，其实我系觉得有d失望，因为寿司饭系极松散，用筷子一夹即散，根本就拎起黎食都好困难，更莫讲话点wasabi同鼓油。都明白连锁式日本寿司店唔可以有太高要求，但食寿司由一享受变到食得有d lei fei，心情都会有d影响既。