影片
更多
2023-12-28
28 浏览
放假同朋友嚟启德新商场 AIRSIDE 行下，Shopping 完又系时候食晏。喺商场 6/F 见到呢间超人气咖啡甜品店「Terrace in seaside」。门面以落地玻璃作设计，环境好 chill，啱晒同朋友嚟影相打卡。烧酱油黑毛猪白切肉紫苏饭：紫苏饭嘅口感几特别，入面加咗啲微辣泡菜，好惹味。黑毛猪肥瘦相间，肉质软腍甘香，加上甜甜地嘅酱油汁，有入口即溶嘅感觉。清甜柑橘窝夫：窝夫嘅卖相好吸引，面头满布清甜柑橘果肉，入口外脆内软，充满蛋香同烘烤香味，再淋上柑橘酱，味道酸酸甜甜，平衡咗忌廉嘅腻感！提拉米苏：造型精致有质感，入口柔软湿润，带浓郁咖啡香味，忌廉非常 Creamy，再加埋面头微微甘苦嘅可可粉，香醇富层次，令人一吃爱上。济州柑橘乳酪：杯乳酪真系非常 igable，原来系用咗济州柑橘汁，再加入新鲜果肉同乳酪打成，入口味道酸酸甜甜，好 fresh、好清新。另外𠮶杯红豆抹茶牛乳冰，味道亦非常正，红豆软硬度啱啱好，入口粉绵香甜。抹茶回甘不涩、香味明显，同滑溜嘅牛乳完美融合，十分讨人欢心。轻悠时光 Terrace in Picnic Time：店员推介嘅野餐盒，原来只系喺启德分店限定供应
放假同朋友嚟启德新商场 AIRSIDE 行下，Shopping 完又系时候食晏。喺商场 6/F 见到呢间超人气咖啡甜品店「Terrace in seaside」。
门面以落地玻璃作设计，环境好 chill，啱晒同朋友嚟影相打卡。
烧酱油黑毛猪白切肉紫苏饭：紫苏饭嘅口感几特别，入面加咗啲微辣泡菜，好惹味。黑毛猪肥瘦相间，肉质软腍甘香，加上甜甜地嘅酱油汁，有入口即溶嘅感觉。
清甜柑橘窝夫：窝夫嘅卖相好吸引，面头满布清甜柑橘果肉，入口外脆内软，充满蛋香同烘烤香味，再淋上柑橘酱，味道酸酸甜甜，平衡咗忌廉嘅腻感！
提拉米苏：造型精致有质感，入口柔软湿润，带浓郁咖啡香味，忌廉非常 Creamy，再加埋面头微微甘苦嘅可可粉，香醇富层次，令人一吃爱上。
济州柑橘乳酪：杯乳酪真系非常 igable，原来系用咗济州柑橘汁，再加入新鲜果肉同乳酪打成，入口味道酸酸甜甜，好 fresh、好清新。
另外𠮶杯红豆抹茶牛乳冰，味道亦非常正，红豆软硬度啱啱好，入口粉绵香甜。抹茶回甘不涩、香味明显，同滑溜嘅牛乳完美融合，十分讨人欢心。
轻悠时光 Terrace in Picnic Time：店员推介嘅野餐盒，原来只系喺启德分店限定供应，内有 5 款甜点，当中包括有香糯紫薯米糕、海苔费南雪小蛋糕、软糯黄豆麻糬串、玄米脆脆牛油红豆饼、忌廉奶油菊花饼同一杯清茶。
米糕质感软绵绵，散发著阵阵紫薯香味。小蛋糕面层铺满了厚厚嘅海苔，香气十足。菊花饼内藏幼滑忌廉，咬开即时有爆浆效果！
张贴
