Next Station Dessert (已結業)

刚刚食完鸡煲话饱，转头一出门口朋友就话去食甜品(女人系天生甜品迷)，刚好系黑布街有甜品铺唔洗周围揾。铺头外场装潢简单比到人一种好舒服既感觉，外场满人我同朋友只好入内场(我钟意外场多D )。本Next Station Dessert餐牌好靓，睇食物之前忍唔住影返张相先 栗香紫薯山 ($65) : 长条形栗子容放系雪糕同紫薯上面外型相当特别(好似长鳗鱼寿司)，栗子容细细啖都好重栗子味 紫薯栗子雪糕三者一齐食味道一流。Test Tube ($65) : 三支Test Tube分别系青瓜山葵沙冰(左)、伯爵奶冻配特浓咖啡泡沫(中)、Mojite(白朗姆酒啫喱，青柠慕斯，薄荷啫喱)(右)。。。。三支较喜欢Mojite 不太甜有D啫喱有咬口，系食果时要小心，朋友一羹插到落底结果上面薄荷啫喱跌晒出黎 佛手柑吉士配草莓分子啫喱($58) : 草莓分子啫喱味道酸酸地外形好似午餐肉 。Hot Chocolate (54% Belgium Chocolate) ($32) : 有朱古力香味够幼滑，不过54%未够苦。