玄鮨 (已結業)

踏入生日周...要揾d好野食奖励自己努力辛勤咗一年，要同自己讲声多谢😄 Cubus全栋大厦嘅餐厅感觉都比较高档，一路都知玄鮨嘅Lunch Set性价比高，所以今日就约埋男朋友黎拍拖撑枱脚🤘🏻一人嗌咗个三色丼唔洗争🙂 *前菜、配菜、主菜、甜点* 就好似去咗日本旅行咁，每一个细节都做得一丝不苟。三色丼🥨 ->有海胆、三文鱼籽、香葱呑拿鱼碎。闭上眼先呷一口海胆，味道浓郁，填满口腔内每一个味蕾🦠 三文鱼籽有食紧爆珠嘅感觉，轻轻一咬，鲜味十足！好多人以为香葱呑拿鱼系下𣗙货，将d头头尾尾切碎而成。其他食店唔敢讲，但玄鮨就绝对对得住个招牌同价钱。食落去油份充足，每一啖都满满幸福感🥰以为已经完结？原来仲有荞麦面！传统日式食法。面条够冻够爽身已经加分不少，配埋香葱同秘制酱汁一齐食，真系食到𠽌𠽌𠽌☺️正呀！再以香浓嘅黑芝麻雪糕作结，真系惊叹难怪连续多年获得米芝莲推介啦！成个用餐体验都令人觉得好享受，虽然话系Lunch set, 但两个人都接近成千蚊食个Lunch嫁喇，不过久不久豪一次，再加上一个近乎完美嘅用餐享受，乜都值嘅！