Honbo (已結業)

贵为全球最佳burger，亚洲top 50 burger，全港最佳burger，Honbo果然有番咁上下水准。 当晚7点去到荃湾分店，全店大约有20个位。可能系平日夜晚，去到一个客都冇，心谂唔通中伏。不过我等餐期间，已经有8成入座。我叫左个cheese burger combo，1个cheese burger + cheese fries (加芝士加$20)，跟一罐汽水。Total $148。Cheese burger 系包、酱、酸青瓜、芝士、汉堡牛、生菜、酱、包。个包好松软，汉堡牛重牛味有咬口，唔系机搅果啲免治牛。虽然系classic嘅汉堡，但系一淡咬落去口感好丰富好满足。Cheese fries 我觉得好食程度同burger系五五波。幼薯条够脆口，加上大量热溶芝士，每食一条都好满足。我觉得加$20都值得。虽然我唔敢话佢系最好食嘅burger，整体黎讲burger同其他小食都系水准之作，不负最佳burger 之名。