影片
更多
2021-11-25
2807 浏览
可能你较少睇我写韩国嘢，但为咗听日嘅电台访问，讲起秋冬嘅选择，我就即刻谂起呢个喺K11 Art Mall刚刚开幕嘅THE JANG。 唔知你有冇试过喺首尔冰天雪地嘅情况底下，食个非常温暖嘅鱼蛋串鱼蛋汤，又或者滑完雪饥寒交迫下去食个辣海鲜汤面做晚餐，甚至行行吓街太冻去食烧肉保暖，呢啲情景真系历历在目，如果你都有同感证明你都几挂住韩国。 当然可能你会挂住泰国，台湾甚至日本多啲，但系其实韩国嘢食嘅多元化同埋独特性都好令人向往，呢个THE JANG嘅应有尽有一定能够满足你需要。走入去呢个场，你会发现有四间唔同嘅餐厅，分别买好多种唔同嘅韩国嘢食，THE JANG 呢个品牌登陆K11 Art Mall首次破天荒将五大韩国特色品牌同时间带俾大家，你就好似去咗韩国嘅地下街或商场一样，如百年老店韩式中华料理 Gonghwachoon，全港首个韩国粥品品牌 Juk Story，知名连锁炸鸡 NeNe Chicken，熟成专家马场洞烤肉专门店 ，同布帐马车热炒自家品牌 Jang Pocha，基本上梗有一款适合你。 当晚由于太挂住韩国，基本上我哋食尽左每一间唔同嘅嘢食 ，不如一齐睇吓。
唔知你有冇试过喺首尔冰天雪地嘅情况底下，食个非常温暖嘅鱼蛋串鱼蛋汤，又或者滑完雪饥寒交迫下去食个辣海鲜汤面做晚餐，甚至行行吓街太冻去食烧肉保暖，呢啲情景真系历历在目，如果你都有同感证明你都几挂住韩国。
当然可能你会挂住泰国，台湾甚至日本多啲，但系其实韩国嘢食嘅多元化同埋独特性都好令人向往，呢个THE JANG嘅应有尽有一定能够满足你需要。走入去呢个场，你会发现有四间唔同嘅餐厅，分别买好多种唔同嘅韩国嘢食，THE JANG 呢个品牌登陆K11 Art Mall首次破天荒将五大韩国特色品牌同时间带俾大家，你就好似去咗韩国嘅地下街或商场一样，如百年老店韩式中华料理 Gonghwachoon，全港首个韩国粥品品牌 Juk Story，知名连锁炸鸡 NeNe Chicken，熟成专家马场洞烤肉专门店 ，同布帐马车热炒自家品牌 Jang Pocha，基本上梗有一款适合你。
当晚由于太挂住韩国，基本上我哋食尽左每一间唔同嘅嘢食 ，不如一齐睇吓。
Nene炸鸡听得多，甚至你都食过，海炸鸡四重奏有四款唔同酱汁嘅炸鸡，不过都系点左芝士后嘅炸鸡最令我欢心。
Juk story 系我最期待嘅其中一间店舖，因为未试过喺香港食韩国粥，应该仲未食到真系好好食嘅韩国粥，仲记得之前喺首尔食过一次早餐非常开心，你知道佢哋好出名食一啲养生粥品， 今晚都有呢类选择，系莞岛鲍鱼同章鱼腌辣白菜粥之间，我选择左前者，莞岛鲍鱼煲得非常之棉袜，啖啖都吃到鲍鱼肉，而且𠮶啲饭好烟韧，好有口感，食完全个人都好暖，听店员讲章鱼腌辣白菜粥其实仲好食，下次有位一定要再试。
Gonghwachoon就点了炸酱面同炒码面汤，如果你好似我一样咁爱食面，你一定好钟意呢个品牌。炸酱面同你喺韩国食到嘅一模一样，不过最爱都系炒码面汤，个辣海鲜汤暖到令你上心头，呢几日咁冻嘅天气食就最啱。
Jang Pocha呢个品牌主力系好似食街头小食一样，铁板热炒海陆空有鱼糕汤，辣炒小章鱼为主题，加上甜辣炒猪皮，辣炒猪肠，香辣无骨鸡脚，春川铁板炒辣鸡，个人特别喜欢嘅系个猪皮，同你平时食香港嘅猪皮完全唔同，特别有咬口。
单点了个秘制卤猪脚，其实非常之大份，冻吃的猪脚并唔系好似猪脚小姐𠮶种style，唔会有好强大嘅蒜味，不过两个人真系冇乱叫，我哋食唔晒要打包左走。
马场洞当然最出名系烧烤，选左一人一个烧烤餐，猪同牛各选一款，韩牛嘅魅力当然非凡，基本上我谂都唔使多讲，只系你有位食几多嘢。
尾声当然要叫啲米酒送，当日试嘅呢款系呢个group每间唔同嘅店舖都会摆一款特别嘅米酒，饮落去米香劲浓，而且唔会酒精度太强，送烧肉一流。
The JANG - Pocha & Korean Cuisine 尖沙咀河内道18号K11购物艺术馆1楼107号舖 相信睇到呢度你都真系花多眼乱，如果你有思韩国之情，就快过黎感受下好似去咗韩国咁嘅感觉。
张贴
