茶墨 (已結業)

唔知大家觉唔觉得喺条街度要等朋友或者要Hea时间嘅时候真系唔知去边好，尤其是喺尖沙咀，周围都好多人啲商场又冇座位可以坐🥹 呢日同朋友睇完戏，约咗人夜晚食饭之间有空档，喺The One见到呢间茶饮店，装修有少少日系，最好就系买杯嘢饮都有位坐！！所以我哋就喺度坐吓倾吓计先⋯⋯见到店内有几幅挂画图片，系主打水墨风饮品🖤 我记得有个好钟意黑芝麻嘅朋友，成日都提及呢间铺话黑芝麻奶好好饮😆😆不过我自己麻麻哋黑芝麻或者麻薯，所以就叫咗杯焦糖芝士浓香铁观音茶🧋呢度嘅奶盖好特别，芝士味好浓之余仲有阵阵嘅焦糖香味～😳 同坊间一般嘅奶盖好唔同，几特别！另外呢度仲有低脂意大利雪糕，见到又口痕想食返杯🥹 仲要系低脂，食咗先算啦！我本身都好钟意食GELATO🍨 但系出面食通常都系一啲比较奶味同好甜嘅口味～ 呢度难得有茶味嘅GELATO，所以一睇到就拣咗铁观音味喇！☺️