The Coffeeology (已結業)

呢间cafe最出名嘅甜品系Tiramisu，咁岩去时代广场个边行街就顺便试下。当日系公众假期嘅下午茶时间，因为铺头入面嘅位置太少，所以都排咗差唔多半个钟先入到去食，但系我前排假期同样时间经过间铺，系无人排队，所以洗唔洗排队都几睇彩数。1. Tiramisu 虽然系用咗成半个钟先食到，但系都觉得好值得。Tiramisu cheese嘅部份望落好挺身，但食落好软滑；酒同咖啡嘅味道亦配搭得宜，甜度适中。我平时食tiramisu 好惊啲手指饼浸咖啡浸到太湿，但系coffeeology 嘅tiramisu 就浸到岩岩好。因为佢都几大件下，建议大家同人share食，一个人食哂会太腻。2. Matcha / Hojicha Latte两杯饮品嘅拉花系海马图案，做得好精致，好适合打卡（根据朋友嘅观察，情侣叫热饮嘅拉花图案会变咗系心心）；个人觉得饮品嘅味道中规中矩，hojicha 个杯嘅茶味比较淡，奶嘅味道比茶味浓；如果真系要二简一，个人比较建议叫matcha latte。