芝樂坊餐廳

营业中

休息中

呢间野成日都咁多人，今日系长假既最后一日，人流比平时静少少，等左十零廿分钟就入得。Order完，侍应便递上黑糖面包。面包系热既，好香既黑糖味，配埋牛油好夹，不过包皮就硬左少少，感觉无咁新鲜。由于呢度食物既份量都有返咁上下，我地两个人叫左三样野加一件cheesecake，已经十分饱了。先黎一个汤，好特别，入面有大量鸡肉同白豆，有少少辣；然后上面系墨西哥既莎莎酱(配nachos个d酱)同cream，酸酸地，加埋个汤度好醒胃，好饮！然后系烤茄子，烤之前先用面包糠轻轻炸过，脆卜卜，之后铺满芝士同一埋茄酱去焗，味道唔突出，不过都好食既。隔离仲配一堆青酱天使面，不过味道就无咩，同埋有少少油。呢个酿蘑菇我去到唔同既美式餐厅都会试，呢度既都唔错，虽然无creamcheese，不过都有大量芝士一齐焗，实好食啦。最后当然要叫呢度既招牌，今次拣左tiramisu cheesecake。其实系tirmaisu中间再加一层cheesecake，口感好丰富，咖啡味唔会太浓，芝士都唔会抢左tiramisu既味，值得推介。