OK德海南雞專門店 (新都城中心) (已結業)

天气终于凉返少少…饭瘾亦随之回归...呢间海南鸡饭专门店原本喺长沙湾开店…之后就搬咗黎将军澳啦…门口有一级…原本打算唔食架啦～点知另一个门口原来有斜道...最开心系门口无摆货物阻塞（感激）…于是可以好顺利就入咗去啦！店内其实唔细…只系枱凳摆位比较进取..而且款式又多元化…例如：有矮梳化、卡位、酒吧high table、及一般嘅二人枱...不过装修有心思…感觉系舒服嘅…最有feel嘅系…店内不停播住80年代嘅广东歌...侍应又有礼貌～由于食店比较挤迫…话虽如此...侍应们态度好好...好愿意帮忙...见到有bb车亦尽量腾空位置比佢哋放好...另外，轮椅使用者可选择嘅座位只得另一入口旁（即有斜道）嘅位置...算不错吧～星期日亦有lunch set提供...第一次嚟当然要食招牌海南鸡饭啦...卖相唔错㖞～油饭好食呀...油腻感唔严重...又唔会令人食几啖饭就觉得好漏滞...而且啲葱油酥好帮到手...因为令到d米饭好香又带有少少咸味～鸡肉份量都多㗎～肉质几嫩滑...又有肉汁...三款酱汁入面…令人有惊喜嘅系中间𠮶只黑豉油…酱身少少杰...食落有豆香味...坊间比较难遇到...朋友拣咗咖喱牛腩饭