大三元 (已結業)

复活节假期第一日，唔想再郁喺屋企，决定早啲起身，嚟维园跑下步，舒展一下筋骨。做完运动，成身松晒，一于奖励下自己，食番个丰富嘅午餐。本来打算嚟水星街食越南菜，点知原来餐厅已结业，而同一位置就开咗间叫「大三元」嘅冰室。睇咗门口餐牌，原来餐厅主打星马菜，另外亦有一系列港式茶餐、面包及三文治等供应。反正入面有位，而且已经有好一阵子冇食过肉骨茶同喇沙，一于试下。有人一坐低，就第一时间点咗半只去骨海南鸡 ($88)、砂煲肉骨茶 ($68) 同 原条吉列鱼柳喇沙浓汤 ($65) 各一。原来呢三个系列都系餐厅嘅必食推荐，果然醒目。先尝海南鸡，虽然只系点咗半只，但其实份量一啲都唔少。鸡皮油润肥美，一咬已食到鸡油香。鸡肉有浓郁鸡味，口感嫩滑不韧。肉骨茶以砂煲盛上，热烫烫，用料十足。先尝一口茶汤，药材味不太浓，入口一点也不苦涩，顺喉清新，对于怕药材味嘅人士嚟讲，绝对系喜讯。肉排嘅口感亦极佳，入口肉香突出，加上被炖煮至软腍入味，只需轻轻一咬，便已骨肉分离，配埋米饭吃，相当饱肚。至于另一客喇沙，口味亦非常地道，汤底层次分明，入口辛香微辣，带浓稠椰香。配料有半只鸡蛋、鱼片、豆卜、芽菜同一大件分开另上嘅原条吉列鱼柳