博派麵館 (已結業)

今日放工约左朋友去荃湾买野，行行吓街见到有个著哂灯既机械人企左系间铺头出面，再望真吓，原来系间用transformer机械人做主题既餐厅黎。朋友见几特别，所以就提议试一试。　餐厅主要以面食为主，餐牌选项不多但胜在图文并茂。我们点左两个面，再加左一Ｄ小食。其中有一样小食，我未食都已经真心觉得特别既就系炸奶茶，我同朋友实在冇听过，亦都未食过。。。哈，可能我哋见识浅挂。落完order，瞄一瞄间餐厅既环境，同其他食面或食米线既餐厅唔同，有Ｄcyber 既感觉，台面放左一个系人见到都应该会研究一下既柯柏文摆设系度（可能要迎合返依间餐厅既主题挂。。。：Ｄ），打开先知原来系辣椒酱黎，员工之后有提我朋友可以落少少试下先，话会比平时食果Ｄ较辣。等左一阵，两个主食先到。我拣左依个叫黄酒鸡柳汤米线，个汤未食已经闻到好香，有少少似药饍＋鸡汤既味道，好浓好香口。鸡柳易入口，而且有我钟意食既冬菇、准山、杞子，用既料都算系有益健康之选。而我朋友就点左一个烧安格斯牛肉牛舌汤米，听个名咁长就知系好野啦，烧牛肉同牛舌系专登同米粉分开上既，可以保持烤肉既香味，而且份量都真系多，岩哂我朋友依一类既食肉兽人士。而小食我地就叫左