冬蔭NOODLE (已結業)

今日同hubby去左TST行街，见到The One对面有间环境好舒服,好warm嘅泰国餐厅，俾个menu吸引左入去。餐厅干净企理，入面用左粉红色sofa，别有一番和谐亲切感。我哋叫咗个泰式船河 （鱼丸及猪肉丸），牛船河汤底好香浓，味道唔会太咸，配料又足，我哋食得好滋味！另外，仲叫咗半只泰式烧鸡，Waiter有预先同我地讲呢只鸡会即叫即烧，令我哋有D期待⋯果然冇令我哋失望，卖相好出色，看得出厨师系个有心思的人，只鸡皮脆肉嫩，腌得好入味，加埋个泰式辣酱好开胃。最后，想介绍埋个(猪肉)生菜包，又系醒胃之选！order𠮶阵女侍应好细心，提我地要注意返个辣度，因为厨师系泰国人，所以会比其他嘅泰式餐厅辣，最后我哋叫咗小辣。生菜包配有脆卜卜嘅猪油渣，邪恶得黎又有D咬口，有生菜包住D酸辣肉食，降低左饱滞感，唔会觉得腻！因为两个人食唔到太多嘢，所以仲有好多菜色留待下次再试。