影片
更多
2012-07-21
716 浏览
之前想揾间据扒餐厅同朋友庆祝生日，有人介绍我去 Bella Vita，话果度嘅 T骨扒好正。上次无黎到，今次同老公黎撑枱脚，食烛光晚餐。头盆叫咗 Grilled Octopus 炭烧八爪鱼配青苹果，同埋 Cod Fish Timble。个八爪鱼充满炭烧嘅独特香味，外层微焦，烧得刚刚好，小小脆皮好香口，内里软腍腍成强烈对比，配青苹果好开胃。Cod Fish Timble 用咗马介休，师傅好细心地将鱼肉拆到一丝丝，好似蟹肉咁，上面铺咗几片黑松露，画龙点睛，鱼肉好正，放咗一阵先食入面仲热辣辣的。Pasta 叫咗佢地嘅招牌菜红虾扁面，同埋好少餐厅做的墨汁薯团配辣鱿鱼圈。红虾扁面个 sauce 十分浓烈，好似龙虾汤咁，真系食到 lam lam 脷。至于个墨汁薯团，虽然个卖相黑炆炆，但系质地同味道一流，薯团软硬道适中，食得出系新鲜即做的。主菜系期待已久嘅T骨扒，话系二人份量，但系四个人都够食，大过我块面，个 shape 仲好似个心形添呀，情人节或纪念日黎食更啱 feel。外面有一坑坑的烧烤纹，师傅将扒切开一件件，再整整齐齐地排好，见到𥚃面微红的肉，再加上扑埋黎嘅香味，未食斋睇都知掂呀。骨的左边较小
头盆叫咗 Grilled Octopus 炭烧八爪鱼配青苹果，同埋 Cod Fish Timble。个八爪鱼充满炭烧嘅独特香味，外层微焦，烧得刚刚好，小小脆皮好香口，内里软腍腍成强烈对比，配青苹果好开胃。Cod Fish Timble 用咗马介休，师傅好细心地将鱼肉拆到一丝丝，好似蟹肉咁，上面铺咗几片黑松露，画龙点睛，鱼肉好正，放咗一阵先食入面仲热辣辣的。
Pasta 叫咗佢地嘅招牌菜红虾扁面，同埋好少餐厅做的墨汁薯团配辣鱿鱼圈。红虾扁面个 sauce 十分浓烈，好似龙虾汤咁，真系食到 lam lam 脷。至于个墨汁薯团，虽然个卖相黑炆炆，但系质地同味道一流，薯团软硬道适中，食得出系新鲜即做的。
主菜系期待已久嘅T骨扒，话系二人份量，但系四个人都够食，大过我块面，个 shape 仲好似个心形添呀，情人节或纪念日黎食更啱 feel。外面有一坑坑的烧烤纹，师傅将扒切开一件件，再整整齐齐地排好，见到𥚃面微红的肉，再加上扑埋黎嘅香味，未食斋睇都知掂呀。骨的左边较小部分是 tenderloin，肉质软腍，右边较大的是 Striploin，肉味浓郁。从未食过咁正嘅T骨扒，旁边的伴菜沙律都不能忽视，加咗士多啤梨同合桃，个汁好特别，好 refreshing，正好中和咗扒的 heavy 感觉，不过我地两个人真系食唔晒，好浪费啊，下次一定要叫多几个人黎分享。
我老公食完个扒已经投降，我则坚持我一贯的作风，饱死都要食甜品，去亲意大利餐厅的指定动作，试下个 Tiramisu，卖相不错，我个人偏好用碗上的 Tiramisu，应该无落鱼胶，正合我胃口，最怕硬掘掘成砖的 Tiramisu，而且不会有太浓烈的酒味。
餐厅虽小，但装修好有味道，好 home feel，我背后的壁画好靓，令成个环境都好舒服，一定会再黎。
张贴
