Uncle Pizza, Pasta & Grill (已結業)

餐厅：Uncle Pizza, Pasta & Grill地点：中环伊利近街菜式：意大利菜餐牌：主餐牌除左Pizza，意粉，仲有前菜，沙律，汤，烤煎类，厨师推介，意大利饭同甜品。午市有套餐，主菜8选1，配餐汤或者沙律，可追加小食，或特价加配饮品。餐汤系忌廉蘑菇汤，好大碗，热辣辣，简单加上忌廉，蘑菇味又香浓又滑。沙律系沙律杂菜加罗勒，简单加上黑醋调味，味道唔错，清爽开胃。水牛芝士罗勒红菜头沙律 $78 另加一水牛芝士罗勒红菜头沙律有罗勒做底，加上香甜多汁红菜头粒粒，5片水牛芝士，同香甜黑醋调味。好味唔寡得黎够健康，口感味道都唔错。8安士纽西兰肉眼扒配烧汁 $188 另加一纽西兰肉眼扒好大块，用板上枱，果然系8安士，整得肉嫩多汁，牛味唔错，我冇特别指明，厨师整到刚好八成熟，超多肉食，简单加上一条香草调味，烧汁少少咸，配牛扒食味道刚好。伴有热辣辣炸薯角三大件，好软稔，点烧汁都好够味。伴碟蔬菜有烤长豆角，番茄，西兰花，翠玉瓜，甘笋同南瓜，色彩配搭丰富。呢道主菜好饱肚。今餐食物都唔错，我见其他食客点嘅𩠌都好大份，中上环返工人士可以黎食个午餐再返工。