影片
更多
2023-06-14
829 浏览
一年一度父亲节，虽然衰仔以上，孝子未满，但一直都冇同老头子庆祝，今年粗粗地就食一餐以表孝心。网上面有一大堆庆祝父亲节嘅饮食优惠，撇除绝大部份系𠮶啲不切实际嘅自助餐，（除非个仔系十零廿岁而丫爸又相对年青，四十零五十岁，如果唔系你用七，八折嘅价钱去食自助餐，一个上咗年纪嘅朋友仔食得几多）㩒下㩒下出现咗一个经常会见到，但系最终都冇机会试嘅店舖，辉哥私房菜，应节地出咗个父亲节八味𩠌优惠套餐，一来价钱相宜，而且𩠌菜选择都唔错多，即管试一试由TapNow 购买优惠后要打去店面预先book日子，本身谂住父亲节期间佢一定系坐到爆，点知当日去到现场吓咗我一大跳，真系估唔到，当晚全场竟然只系得四台客，虽然之前啲朋友成日都会攞呢间嘢同佢楼下𠮶间神灯相比，讲话神灯比佢好，但系我就硬系唔信邪，都唔知系呢啲风评引致到佢咁冷清定点，不过既然嚟咗，希望最少物有所值以下系上菜次序及评价🫠巴拿马火腿配芦笋本身火腿已经几咸，加上沙律酱就咸上加咸，沙律菜为数不多加上芦笋竟然只吃得出一根，无法中和那么重口味，建议选三文鱼（当唤醒味蕾算吧）芝士烤龙虾体型比想像中大，肉质爽弹，龙虾钳内也有相当肉量，虽然芝味欠奉，但也算是补回前菜的
网上面有一大堆庆祝父亲节嘅饮食优惠，撇除绝大部份系𠮶啲不切实际嘅自助餐，（除非个仔系十零廿岁而丫爸又相对年青，四十零五十岁，如果唔系你用七，八折嘅价钱去食自助餐，一个上咗年纪嘅朋友仔食得几多）
㩒下㩒下出现咗一个经常会见到，但系最终都冇机会试嘅店舖，辉哥私房菜，应节地出咗个父亲节八味𩠌优惠套餐，一来价钱相宜，而且𩠌菜选择都唔错多，即管试一试
由TapNow 购买优惠后要打去店面预先book日子，本身谂住父亲节期间佢一定系坐到爆，点知当日去到现场吓咗我一大跳，真系估唔到，当晚全场竟然只系得四台客，虽然之前啲朋友成日都会攞呢间嘢同佢楼下𠮶间神灯相比，讲话神灯比佢好，但系我就硬系唔信邪，都唔知系呢啲风评引致到佢咁冷清定点，不过既然嚟咗，希望最少物有所值
以下系上菜次序及评价🫠
8 浏览
0 赞好
0 留言
巴拿马火腿配芦笋
本身火腿已经几咸，加上沙律酱就咸上加咸，沙律菜为数不多加上芦笋竟然只吃得出一根，无法中和那么重口味，建议选三文鱼（当唤醒味蕾算吧）
13 浏览
0 赞好
0 留言
体型比想像中大，肉质爽弹，龙虾钳内也有相当肉量，虽然芝味欠奉，但也算是补回前菜的错失吧。
12 浏览
0 赞好
0 留言
鲍鱼螺片竹丝鸡炖汤
终于来了我最期待的炖汤，原只鲍鱼绝不是罐头鲍鱼货色，肉质软熟，老人家都可以轻松咬开，汤内嘅螺片同埋瘦肉ok入味，不过可惜个汤应该火候不足如果炖耐啲可以更加浓味，味道略嫌有啲淡，但本人都已经相当满意（里面嘅竹丝鸡系用黎出味，唔系用嚟食嘅）
11 浏览
0 赞好
0 留言
清蒸老虎班
肉质滑溜，火喉控制一流仅仅熟，保持住肉质细嫩，唔会鞋晒，一啲血丝都冇.唯一缺点就系食得出系养班唔系海班，当然都系理所当然，呢个价边有可能下下海斑俾你食，但食得出系新鲜既
15 浏览
0 赞好
0 留言
14 浏览
0 赞好
0 留言
菠萝炒咕噜肉及一口和牛
一口和牛相当有镬气，肉味浓，但肉质实在过靭，老人家可能咬唔开，薯仔一贯地比肉更好食。
菠萝咕噜肉就一般般，甜度适中，九成都系肉，反而最钟意食嘅菠萝就一粒都见唔到，清一色系甜椒，如果可以收埋啲汁上d肉度就更好，水汪汪咁。
13 浏览
0 赞好
0 留言
最后既炒饭，食到呢度已经饱到呕，但就咁睇都知佢炒得好，饭粒粒分明，无咩油光，虾都好大粒唔系食落胶胶地索索声果d，肯定好过楼下茶记果d炒到一旧旧饭团咁既既炒饭😏
最后上埋个甜品,明明叫左古法莲蓉焗布甸，最尾竟然上咗个芒果西米露布甸，有啲失望，但食到呢度，个布甸反正都冇胃口食（因为太饱）就放佢一马啦🥹
整体相当满意,毕竟呢个价钱，食物品质同份量都有番咁上下，虽然有部分原因可能系冇咩客人，引致员工服务态度好到我都唔好意思，有礼貌又主动换水换碟，见我拆壳拆到呢咁Hea就自动比湿纸巾，真系睇见个场咁冷清就伤感。如果大家想价钱公道食物品质又合理既话，辉哥私房菜真系可以考虑一下
张贴
