影片
更多
2024-06-29
616 浏览
真系未试过要感受差到要打食评当日book咗枱食饭，去到其实都唔洗等，因为基本上都系得一枱客，入到去环境都企理既，有位妹妹仔侍应都好好礼貌。我地就order 咗$438 /1 既 A5 帝王和牛海鲜放题个套餐都包左野，稍后再点评坐好之后侍应系咁不停上前菜同啲海鲜，但就迟迟都唔比order 肉既QR code 我地... ...当我地都食左一大半前菜类，终于都有code 可以落肉嘞! 可惜既系，令人失望到极.... （一）佢个QR Code Menu 有7款A5和牛既item，但入餐厅前无人同我地交代过有4款既A5 牛都已经售罄! 姐系一份放题Menu 有50%既野都无货其实系唔系应该一早就要通知客人先? 等我哋考虑仲入唔入黎食吖佢又要奇怪在个code 又唔系一早比我哋，我哋又已经食左佢啲海鲜前菜等等其实系咪一个局? （二) 啲肉都仲系雪冷冷既 痴晒碟咁，姐系佢地未有做好解冻既程序...（三) 啲肉除左A5牛小排之外，都基本上系嚡、靱、无肉味...比呢个价，我食啲连锁店既放题都绝对好过佢咯! 呢件事真系好令人失望如事者，都问左侍应如果真系无A5既，我地仲可以食啲咩? 真心唔系想刁难佢地任何
当日book咗枱食饭，去到其实都唔洗等，因为基本上都系得一枱客，入到去环境都企理既，有位妹妹仔侍应都好好礼貌。
我地就order 咗$438 /1 既 A5 帝王和牛海鲜放题
个套餐都包左野，稍后再点评
坐好之后侍应系咁不停上前菜同啲海鲜，但就迟迟都唔比order 肉既QR code 我地... ...
当我地都食左一大半前菜类，终于都有code 可以落肉嘞!
可惜既系，令人失望到极....
（一）佢个QR Code Menu 有7款A5和牛既item，但入餐厅前无人同我地交代过有4款既A5 牛都已经售罄! 姐系一份放题Menu 有50%既野都无货
其实系唔系应该一早就要通知客人先? 等我哋考虑仲入唔入黎食吖
佢又要奇怪在个code 又唔系一早比我哋，我哋又已经食左佢啲海鲜前菜等等
其实系咪一个局?
（二) 啲肉都仲系雪冷冷既 痴晒碟咁，姐系佢地未有做好解冻既程序...
（三) 啲肉除左A5牛小排之外，都基本上系嚡、靱、无肉味...
比呢个价，我食啲连锁店既放题都绝对好过佢咯! 呢件事真系好令人失望
如事者，都问左侍应如果真系无A5既，我地仲可以食啲咩?
真心唔系想刁难佢地任何人，因为大家都系想食个饭姐... ...
侍应就话问经理，又等人地覆又唔知点咁，我哋都有成大半个钟无食到任何食物....
最后唔知点切左2块薄，但油花似返啲A5 既肉黎比我哋
我哋就好好奇，咁姐系其实系有货?? 只系唔切出黎? 而仲要只系比2块我地??
我哋系黎食放题㖞... 点解要搞到咁既地步好似要乞你地啲肉咁?
最令人觉得唔舒服既系，由头到尾我哋都好心平气和，
想食饱个肚就算， 但有位我都唔知系主管定洗碗既女士，不停同其他枱既客人讲我地咁咁咁
系要比说话我哋听?? 要其他客人觉得我哋系西客??
总之，呢个价钱，呢个质素，仲要乜都无食过咁...
真系唔知之前既好评系点解????
------------------------------
1) 海鲜蒸气锅
佢MENU 话包7款随机海鲜，但我当日只系有
- 青口 -海虾 -墨鱼仔 - 九孔鲍 - 蚝 - 珍珠蚬
扇贝皇、蛏子同埋蟹都系无既.... (不过当时都无留意 算)
整体上啲海鲜都无味, 又唔鲜但又唔腥咁咯... 虾就明显系烂肉...
2) 小食(鬼马油炸鬼、口水汁拼盘、串烧)
无惊喜! 串烧唔热
3) 滋润鱼肚炖鸡汤
老实讲，如果讲到咁劲系老火汤，系咪都比旧鱼肚客人见下??
系饮得出系鸡汤底既，但我见到得冬瓜咯.... ??
4) 卜卜蚬粉丝煲
成晚最好食系呢个! 但好食啫，唔代表蚬系大大粒既...
5) A5 帝王和牛
一) 啲肉都仲系雪冷冷既 痴晒碟咁，姐系佢地未有做好解冻既程序...
二) 啲肉除左A5牛小排之外，都基本上系嚡、靱、无肉味...
张贴