Urban Coffee Roaster (Fashion Walk)

营业中

休息中

平日晚上放工嚟到铜锣湾，想揾间静小小嘅咖啡室，同朋友食个晚饭兼倾吓偈。最后拣咗呢间近Fashion Walk、位于京士柏街嘅咖啡室。装潢有古典味道，加埋昏暗嘅灯光，格外有工业风。门面采用开放式玻璃设计，见到入边环境都唔错。甘笋汤 (⭐⭐⭐⭐💢)首先点个汤，系南瓜甘笋汤，香浓同埋唔会好稀，叫咗一份两个人share，因为唔想太饱。辣肉肠炒鱿鱼 (⭐⭐⭐⭐💢)辣肉肠炒鱿鱼呢个组合比较新鲜，出边未食过。辣肉肠唔算太辣，就算唔食辣嘅我都接受到。鱿鱼都几多块，烟韧度啱啱好，味道相对清淡。鳗鱼饭配蛋 (⭐⭐⭐⭐⭐)主菜系鳗鱼饭配蛋。鳗鱼都几大份，配埋蛋，口感层次丰富，不过最正都系个鳗鱼汁，值得一试。如果再多啲汁就更加好。明太子意粉 (⭐⭐⭐⭐⭐)明太子意粉都系我喜欢嘅𩠌菜。意粉嘅分量，刚刚好两个人分享。意粉卖相都几靓。法式焦糖班戟 、酒精饮品 (⭐⭐⭐⭐⭐)最后重点系法式焦糖班戟，有三层咁多。虽然平时唔系好食甜品，但系见到隔篱枱好似好吸引，于是跟住点，总算冇做错决定。总括而言，这间餐厅环境唔错，而且价钱不算太贵。下次有机会也会再来品尝。 ~~~~~~~~~~~~~~~~~~~~~~~~~ Urban