VA BENE Italiano

营业中

休息中

期待咗今晚好耐，一来庆祝，二来系久违嘅高级西餐厅，主打意大利菜，叫得自己做「Va Bene」，即系非常好咁解，一去到真系无令我失望。环境餐厅都好大！有无盖位置，营造有outdoor嘅款咁，而有盖位置好有feel，橙黄黄嘅灯光好浪漫好有气氛。餐牌食物选择十分多，不能尽影。餐包 餐包都有5款，不过为咗留肚，所以都食唔晒，面包都好烟韧。橘子法国鲈鱼薄片 $158 自己好少食鲈鱼薄片，见到呢个前菜咁特别，梗系要嗌嚟试吓啦，配上好多橘子粒，鲈鱼片食落去完全唔似食紧鱼咁，好爽口好有咬口，配上酸酸甜甜嘅橘子，好清新嘅前菜。意式蕃茄酱海鲜薄饼 $188 食得意大利菜，又点可以唔叫薄饼？薄饼一上枱嘅时候，我同另一半都「哇！」咗一声，因为$188有咁足料嘅Pizza！好多蟹肉碎、青口肉、鱿鱼，真系每一啖都有海鲜，食极都有咁，老实讲，2个人食完咁大个pizza，饱咗八成。美国黑安格斯肉眼 $298(350g) 另一半钟意食牛扒，去西餐厅都必点，虽然有和牛，但我哋拣左Angus，靓扒紧系拣三成(个人喜好)，一切开，熟成度确系控制系三成左右，肉汁锁住，外层带焦香，美中不足系未抖够就上枱，所以一切开较多血水流出。