Aroma (已結業)

平时好少黎湾仔,今日好姐妹话有间餐厅好复古,专登约我黎食饭餐厅嘅墙用红砖头砌成,再挂上怀旧嘅画,vintage味道甚浓!!原本谂住饮红酒,但店员话呢到嘅Cocktail好特别,都系店主精心调制,出面饮唔到架,叫我地试下!佢地推介左杯Angry Melon,卖相系青绿色,中间放左条辣椒仔喺到,又几有趣㖞!!饮落真系辣架,再沟埋甜甜地嘅苹果汁同埋vodka,味道唔错!钟意试新野嘅朋友可别点杯试下!!朋友点嘅Expresso Martini咖啡味又几浓,但又唔会好苦,唔多钟意咖啡苦涩味嘅我都饮得到,味道偏甜小小Deep Fried Shrimp外层用上腐皮包住只虾,炸至脆卜卜,原理同炸腐皮卷一样,入面仲包住d日本大根, 几有层次感!!再淋埋浓郁嘅黑醋汁,又系另一种风味!呢个咸蛋黄单骨鸡翼超级好味!!虽然邪恶度爆登,但都不惜用哂d quota黎食呢道菜!!鸡翼炸到好脆之余,上面仲系满满嘅咸蛋黄酱同碎碎!!非常推介大家点呢个,好味到爆!!最后叫左个主菜: 24小时慢煮猪腩肉猪腩肉好大条,卖相吸引,慢煮保持到个肉好嫩,点下个山渣酱食,无咁肥腻!仲有个酸酸地嘅菠萝酱,同个猪腩肉好夹!!