牛角日本燒肉專門店 (康怡廣場北座)

营业中

休息中

平日来原来唔多洗排队，我哋6:30嚟到，好快就有位，到我哋食完餐厅都冇坐满。我哋叫咗麻香椰菜，几开胃，做头盘几好。蒜香炭烧酱鸡腿肉，蒜香炭烧酱豚肉，呢两样都非常好味，烧完出嚟好香，小朋友非常钟意食。牛角饭都系必点，小朋友一个人食咗大半碗，佢平时唔系咁钟意食饭。牛方面我哋叫咗牛角上级牛肋肉，厚烧牛舌，香葱牛舌，佐贺A5极上和牛，粟米，枝豆，秋葵。牛肉方面不过不失，几十蚊一碟，好似好平咁，但系其实得几块，好处就系可以食多几款，唔好处就系你觉得好似好平，但系其实唔系。烧秋葵，烧粟米都系我嘅推介。另外我哋叫咗个泡菜石头汤锅做结尾，一贯日式作风，唔系太辣，所以啱我，都几好味。