Belgos

营业中

休息中

利园附近嘅Belgos系一间充满气氛嘅比利时餐厅，室内有个超大嘅酒柜，提供超过30种以上嘅酒单，所有酒都系由调酒师 TOM EGERTON用 MANCINO产品调配嘅自家比利时啤酒，仲有多种葡萄酒同无酒精嘅鸡尾酒等等。主厨师系ALEX CHAN 、客席厨师 LUCA PIAZZA，场内有DJ打碟，音乐好澎湃！另外餐厅设有0-8岁儿童专区可以免费食精选餐点，非常贴心~Weekdend约埋朋友嚟个开心聚会，体验一吓比利时/法国风情嘅lazy brunch。先嚟头盘coldcut有好几款芝士、ham同肉肠，芝士最令人惊喜，香口软滑Vichyssoise soup用Blend咗嘅薯仔同法国韭葱熬制，汤够浓稠又够creamy，加入橄榄油，更香更滑! 配上烟烟韧韧嘅酸种面包，口感唔错。Moules Marinieres白酒忌廉煮青口，青口肉唔系好大，但够饱满，肉质嫩滑，白酒、洋葱、蒜香加上幼滑忌廉，味道更吸引。Side dish炸粗薯条都好正，炸得松脆，唔想嘥咗个白酒忌廉汁，配埋一齐食仲正。Carbonnade Flamande啤酒烤牛肉一道传统嘅比利时菜式，将牛肉放入啤酒煮好，再淋上带甜嘅酱汁。