Wooloomooloo Steakhouse

营业中

休息中

星期六日有时晏起身，通常都会同朋友去食早午餐。咁食brunch就99%系食西式，而西式中有信心之选、价钱又中等嘅，我谂到系Wooloomoloo。佢嘅Brunch每人$248有三道菜，有一个前菜、一个汤同埋一个主食，仲包饮品添。如果你嫌唔够喉，可以另外加钱$180任饮酒精类饮品两小时。Crab Cake正，超级鲜甜，包住一丝丝嘅蟹肉，配衬埋简单嘅沙律菜，蟹饼本身热辣辣整起，非常之吸引。茄子蕃茄他他呢个卖相就非常好，但系食落就除咗清新之外，就冇乜特别。噱头嘢多，睇起嚟好矜贵咁，但系只不过系Chope左嘅蕃茄、茄子配衬埋一条好见好美味嘅面包片。Filet Mignon 佢块牛扒生熟控制得非常之好，我要七成，佢就真系七成，入边带微粉红色，外边焦焦的。配衬埋佢𠮶个红酒汁同埋一啲鲜菌类，份量唔多但系足够，正！二百零蚊可以对住个维港食午餐，我觉得已经系超值。食物质素有保证，服务亦都非常之殷勤及有礼貌。