影片
更多
2020-12-29
81 浏览
呢排公司转咗A/B team, 多咗时间喺大埔. 记得前排喺大埔group 有人讲过Dionysus, 所以就去试吓.一入到去, 见到入面装修唔错, 水泥嘅墙身有一种loft嘅感觉同埋灯光唔会好光猛, 感觉几舒服. 餐枱用咗深啡色有深木纹嘅木同埋櫈面用咗墨绿色嘅皮包裹住, 成个环境raw得嚟带少少classic 嘅感觉. 成间餐厅嘅装修, 除咗一上二楼𠮶个巴洛克风嘅corner同墙身嘅画之外, 其他都唔错.咁我就拣咗set lunch 嘅猪仔脾.最先上嘅系杂菜汤, 味道清得嚟带少少菜嘅甜味同蕃茄微微嘅酸, 暖暖哋好开胃, 唔错跟住main course 上嚟啦, 猪仔脾整得淋身同离骨, 一切就切得开同埋唔驶揸喺手都食得晒全部嘅肉, 酱汁有味得嚟唔会好浓, 好好咁衬托到个猪仔脾. 唯一有啲失望嘅系个薯蓉, 有啲似kfc薯蓉. 但整体系质素唔错嘅.跟餐仲有个朱古力mousse 嘅蛋糕仔, 虽然份量唔多, 但咬落去实净同唔会一味得朱古力嘅甜, 满意.另外想讲嘅系餐厅用嘅餐具全部都几有质素, 颜色同用料都有份量, 令到成餐饭嘅体验再有所提升.作为午餐, 呢个质素连加一都系一百蚊多啲, 实在系物
一入到去, 见到入面装修唔错, 水泥嘅墙身有一种loft嘅感觉同埋灯光唔会好光猛, 感觉几舒服. 餐枱用咗深啡色有深木纹嘅木同埋櫈面用咗墨绿色嘅皮包裹住, 成个环境raw得嚟带少少classic 嘅感觉. 成间餐厅嘅装修, 除咗一上二楼𠮶个巴洛克风嘅corner同墙身嘅画之外, 其他都唔错.
咁我就拣咗set lunch 嘅猪仔脾.
最先上嘅系杂菜汤, 味道清得嚟带少少菜嘅甜味同蕃茄微微嘅酸, 暖暖哋好开胃, 唔错
跟住main course 上嚟啦, 猪仔脾整得淋身同离骨, 一切就切得开同埋唔驶揸喺手都食得晒全部嘅肉, 酱汁有味得嚟唔会好浓, 好好咁衬托到个猪仔脾. 唯一有啲失望嘅系个薯蓉, 有啲似kfc薯蓉. 但整体系质素唔错嘅.
跟餐仲有个朱古力mousse 嘅蛋糕仔, 虽然份量唔多, 但咬落去实净同唔会一味得朱古力嘅甜, 满意.
另外想讲嘅系餐厅用嘅餐具全部都几有质素, 颜色同用料都有份量, 令到成餐饭嘅体验再有所提升.
作为午餐, 呢个质素连加一都系一百蚊多啲, 实在系物有所值.
希望快啲开番夜市, 可以试吓佢晚餐嘅表现.
意大利杂菜汤
0 浏览
0 赞好
0 留言
猪仔脾
0 浏览
0 赞好
0 留言
朱古力mousse cake
0 浏览
0 赞好
0 留言
张贴
