影片
更多
2016-04-19
9458 浏览
BOOK左12点食「相扑手午餐」(即午市放题)，比预定时间早咗少少到，门口已聚集咗约６人。间铺亦十分准时，12点正开门迎宾。入到去见装修好靓，柔黄嘅灯光亦非常有情调。接待处附近见到有「米芝连推介食肆2015」，应该几 咁㖞，点知 。味道好坦白讲，冇咩系烧得好食。几本上餐单有嘅野八成都食过，但都系麻麻哋甚至唔好食。唯一欣赏系烧银鳕鱼，肉质好嫩滑亦好juicy，只银鳕鱼烧汁同条鱼嘅味几夹，就咁食已经十分好味，试过配埋（应该系）沙律酱反而冇咁好食。 听闻之前银鳕鱼都系任食范围内，但依家就只限一份。假如佢可以任叫，我会净系叫烧银鳕鱼，因为其他菜色真系 。喺讲 菜色前，讲返Ｄ我认为系正常嘅选择先啦。首先系烧羊架，唔会烧得好"鞋"，可以做到嫩滑多汁，羊骚味唔会过重。其次系烧虾，只虾本身都几大只，大虾用嚟烧就最正，肉质爽口亦有虾味，但烧烤味太重，食一两只已够。第三已经系热乌冬同仅限１次嘅刺身（有三文鱼，吞拿鱼，仲有唔知咩鱼每人各一片）=..=，普普通通正正常常咁啰。 嘅实在太多，咁我讲重点 啦。出街普通餐厅锯扒叫七成熟黎十成，叫五成熟黎三成是常识吧？ 估唔到依间米芝连推介食肆
味道
好坦白讲，冇咩系烧得好食。几本上餐单有嘅野八成都食过，但都系麻麻哋甚至唔好食。
唯一欣赏系烧银鳕鱼，肉质好嫩滑亦好juicy，只银鳕鱼烧汁同条鱼嘅味几夹，就咁食已经十分好味，试过配埋（应该系）沙律酱反而冇咁好食。 听闻之前银鳕鱼都系任食范围内，但依家就只限一份。假如佢可以任叫，我会净系叫烧银鳕鱼，因为其他菜色真系 。
喺讲 菜色前，讲返Ｄ我认为系正常嘅选择先啦。首先系烧羊架，唔会烧得好"鞋"，可以做到嫩滑多汁，羊骚味唔会过重。其次系烧虾，只虾本身都几大只，大虾用嚟烧就最正，肉质爽口亦有虾味，但烧烤味太重，食一两只已够。第三已经系热乌冬同仅限１次嘅刺身（有三文鱼，吞拿鱼，仲有唔知咩鱼每人各一片）=..=，普普通通正正常常咁啰。
嘅实在太多，咁我讲重点 啦。出街普通餐厅锯扒叫七成熟黎十成，叫五成熟黎三成是常识吧？ 估唔到依间米芝连推介食肆都冇摆脱依种「常识」，点咗烧牛肋骨，侍应问几成熟我答七成，点知得几旧嘅中间部份算系七成，极大多数嘅都系十成劲鞋𠮶Ｄ。 讲开「鞋」，我都唔一个一个咁讲佢Ｄ选择喇，总之其余Ｄ猪呀鸡呀都烧到好鞋，好攞命。
仲有饮品方面，每个人都包一杯饮品，有汽水系列例如可乐、雪碧；亦有「特色饮品」：青苹果／桃／提子梳打。同行二人有一个同我都叫咗青苹果梳打，都表示十分难饮，另一个就雪碧。
甜品方面试咗芒果糯米糍同牛乳奶冻。糯米糍里面有忌廉，几得意，芒果都算新鲜而且唔酸。牛乳奶冻奶味香浓，质感比食开嘅较硬，较「杰」，反而咁样更好食。
环境
装修好靓，柔黄嘅灯光亦非常有情调。座位舒适。亦可能因客人不多，唔会好嘈吵。
服务
侍应有礼，会主动换碟同埋主动加(茶)水。唔小心跌咗餐具亦好迅速同主动咁拎过新嘅比你。
卫生
情况良好，唔见有小昆虫，洗手间尚算干净。唯一不足之处系食材盘会叠上另一堆食材之上，虽然Ｄ食材会拎去烧，但成个盘叠上去好似唔系几卫生。
总结
真系唔知到底系食材定师傅手势关系，食物都系麻麻地，好「鞋」又十分油（虽然系烧，但Ｄ油太夸张）。唯一好食嘅银鳕鱼又冇得任食，咁嘅价钱嚟讲真系唔抵食。
张贴