影片
更多
2016-10-10
2177 浏览
本身都几钟意越南菜，呢间What The Pho开咗都几耐，但完全未食过，呢日趁去开呢头就食吓。装修都几新式，座位就晌商场走廊左右两边，无咩遮挡，途人就咁路过已经可以望晒成间舖。打开餐牌，发现除越南菜外，呢度仲有唔少偏向泰国风味嘅菜式。咁越南同泰国地理位置相近，都叫做可以理解。呢度用Pho命名，就决定试试佢哋嘅Pho（汤河粉）、Bun（冻檬粉）同前菜之类。鲜虾柚子沙律，虾肉切半，以原整计实际大约系三几只。柚子肉香甜唔涩，酱汁辣味唔强，酸酸哋都几开胃消滞。香芒软壳蟹米纸卷，半透明米纸皮烟烟韧韧，中间包住软壳蟹、鲜芒果、胡萝卜丝、萝卜丝、青瓜丝、生菜丝同檬粉，惟软壳蟹嘅脆度较失色。越南四式冻檬粉，四式系指烧猪耳扎肉、烧肉串、烧猪颈肉同香辣猪手，另有番茄、青葱、炸干葱，底层就系切丝嘅胡萝卜、萝卜、青瓜同生菜。先食上层嘅肉类，烧猪耳扎肉厚身爽口、烧肉串外层微脆、烧猪颈肉有香茅味、香辣猪手表面酱汁好似泰式辣酱，都几软腍。之后先食下层嘅檬粉，将所有配料捞匀，再加啲鱼露，晌呢段温度仍有少少高嘅天气下食都唔错嘅。WTP火车头汤河粉，呢度嘅河粉较幼细，以为份量巨型，原来同其他款式嘅汤河粉大小相若。入面有
本身都几钟意越南菜，呢间What The Pho开咗都几耐，但完全未食过，呢日趁去开呢头就食吓。
装修都几新式，座位就晌商场走廊左右两边，无咩遮挡，途人就咁路过已经可以望晒成间舖。
打开餐牌，发现除越南菜外，呢度仲有唔少偏向泰国风味嘅菜式。咁越南同泰国地理位置相近，都叫做可以理解。
呢度用Pho命名，就决定试试佢哋嘅Pho（汤河粉）、Bun（冻檬粉）同前菜之类。
鲜虾柚子沙律
53 浏览
0 赞好
0 留言
香芒软壳蟹米纸卷，半透明米纸皮烟烟韧韧，中间包住软壳蟹、鲜芒果、胡萝卜丝、萝卜丝、青瓜丝、生菜丝同檬粉，惟软壳蟹嘅脆度较失色。
越南四式冻檬粉
79 浏览
0 赞好
0 留言
WTP火车头汤河粉，呢度嘅河粉较幼细，以为份量巨型，原来同其他款式嘅汤河粉大小相若。入面有牛肉、牛腩、牛筋、牛柏叶同牛丸，牛筋炆煮得几腍，牛腩同牛肉算松化，牛柏叶同牛丸就爽弹。汤头方面，以洋葱、芫茜、九层塔、芽菜同青柠提味，味道较清。
椰汁红豆冰、芒果沙冰，沙冰打得细碎，味道几甜。
越式千层糕，出嚟时微微哋暖，质感几软熟，仲加咗甜甜哋嘅椰汁，不过糕中间嘅千层就唔太明显。
张贴
