Wing It! (已結業)

由细到大我都系个超钟意食鸡翼既人，听朋友讲铜锣湾开左间鸡翼专门店，咁我紧系要黎试下先啦。系门口经过既时候，已经见到佢既招牌同装修都好吸引人，非常抢眼，令我真系急不及待冲入去试啦。睇个menu见到，叫唔同数量既鸡翼就可以拣唔同数量既酱，如果叫4只就得1只味可以试。不过问完老板之后，原来而家d酱系任落既。哇！咁真系劲吸引啊，可以试咁多款唔同既酱。虽然呢度系专卖鸡翼既，但佢既炸薯条都好出色，除左切得够厚之外，外面炸得又够脆。外脆内软既薯条，配埋d酱食真系好好味呀。鸡翼方面，我拣左一半原味一半炸既。炸鸡翼好够脆，而且炸粉唔会太厚，咬落亦都有肉汁。不过个人认为原味比脆皮更好味，因为可以试真d各款唔同既酱既分别。咁多款酱我最推荐既系呢款，墨西哥辣椒酱。因为够哂特别之余又食到浓浓既辣椒味。我地仲试左呢个辣汁既challenge，佢既辣汁分哂level，我就试左呢个500000分既辣汁，食落劲香劲开胃，而且又唔会话太辣。不过同行朋友就话好辣，所以大家食既时候都要小心d呀。呢间餐厅鸡翼又好味，又有咁多款唔同既辣汁试，真心非常推荐大家黎试下呀。