影片
更多
2022-11-10
1211 浏览
约咗朋友喺旺角食晏，佢系鸡翼怪🐔，所以同佢去食「Wingman」就啱晒。我之前喺湾仔店食过鸡翼放题，不过由于战斗力有限，食唔到几多，所以散嗌吧。旺角店面积唔大，但环境都算四正，工业风嘅装潢，再加埋「一齐叫鸡」嘅霓虹灯箱，玩味十足🤣，亦睇得出餐厅有特意注入港式元素！鸡翼主要分干身同湿身两类🍗，我谂系指用酱汁抑或味粉调味，另外再加埋特制款式，总共有成19只口味可选。干湿两类每款$69/6只，价钱唔算贵，只可惜无得双并🙈。咖啡香味Espresso BBQ，鸡翼表面疑似煎浓咗嘅黑色粉末，☕️应该系磨碎咗嘅咖啡豆粉，食落无渣的，并渗出微微咖啡同朱古力甜香🍫。 同时，鸡翼亦混入烧烤粉，令佢多返少少咸味。依款口味好特别，沟完出嚟无违和感，味道自然。水牛城酱Buffalo，呢款经典美式口味嘅鸡翼无令人失望🇺🇸，酱汁调味正宗，够重口味，但如果有埋西芹同蓝芝士作伴就完美。其实餐厅嘅水牛城鸡翼有两种辣度可选，我拣咗较温和𠮶款，但辣度都显著，不过唔过火🌶。黑松露芝士忌廉汁通粉Truffle Mac N' Cheese($85)，细心留意发现餐牌上有唔少鸡翼以外嘅食物，🧀Mac n Cheese算系比较饱肚嘅一款
约咗朋友喺旺角食晏，佢系鸡翼怪🐔，所以同佢去食「Wingman」就啱晒。我之前喺湾仔店食过鸡翼放题，不过由于战斗力有限，食唔到几多，所以散嗌吧。
旺角店面积唔大，但环境都算四正，工业风嘅装潢，再加埋「一齐叫鸡」嘅霓虹灯箱，玩味十足🤣，亦睇得出餐厅有特意注入港式元素！
鸡翼主要分干身同湿身两类🍗，我谂系指用酱汁抑或味粉调味，另外再加埋特制款式，总共有成19只口味可选。干湿两类每款$69/6只，价钱唔算贵，只可惜无得双并🙈。
咖啡香味鸡翼
$69
30 浏览
0 赞好
0 留言
水牛城酱鸡翼
$69
50 浏览
0 赞好
0 留言
黑松露芝士忌廉汁通粉
$85
23 浏览
0 赞好
0 留言
黑松露芝士忌廉汁通粉Truffle Mac N' Cheese($85)，细心留意发现餐牌上有唔少鸡翼以外嘅食物，🧀Mac n Cheese算系比较饱肚嘅一款。通粉同平日不一样，因为唔系拎去焗，反而似汁捞多啲。通粉造型平实，口感弹牙，面头被芝士碎同面包脆粒所遮盖，食落难得唔觉腻，兼且仲富有黑松露香🍄。
杏仁面包糠炒澳洲西兰花苗Sauteed Broccolini($75)，🥦西兰花苗唔系好多地方有得食。菜苗以蒜头炒香，再醒埋杏仁粒同面包糠，虽然煮法简简单单，不过经已几惹味，但我就略嫌份量少啲🙈，唔够喉。
Rosy Lemonade($60)，粉红色嘅柠檬梳打多咗份可爱💕，老实讲玫瑰味就无乜，但青柠味就好突出，并非求其落两片柠檬就算🍋，所以饮落都几清新醒神，又唔会太甜。
总括嚟讲，Wingman鸡翼名不虚传😋，物以罕为贵，唔系任食更加觉得好食。呢日食嘅两款口味我都好钟意，一浓一淡啱啱好，而其他小食亦都唔错👍。
张贴
