What The Food Cafe (已結業)

蓝妹提过几钟意食蛋包饭，同事推介我食粉岭既呢间蛋包饭。粉岭近近地竟然有间蛋包饭未试过，当然要狗冲去啦。😁果到9点就关，好早就last order，所以想去要自己留意时间。即使住附近，但果到真系几格摄，冇车其实几难去到。😂—「WTF」，「What The Food Cafe」，几钟意佢呢个玩字既Gimmick。Menu好有趣，用图好得意，仔细睇下佢啲菜式名，几搞笑嫁。😆—杯都系自己既Logo，加分。—招牌蒲烧鳗鱼超级滑蛋包饭个卖相唔错啵，鳗鱼唔系食过最大条既，不过都算OK，厚身既，不过好似特别多细骨。😣蛋包饭最紧要既一定系滑蛋，呢个滑蛋好正，非常滑！蛋味突出，佢加左少少甜豉油，甜甜地更正。🤤男朋友好欣赏佢既饭唔系白饭，佢系炒饭，而且落左麻油，超级香。😍—无敌拿破仑一世香肠长通粉平时多数食卡邦尼，好少食拿破仑，蓝妹发现都系钟意食蕃茄既拿破仑多啲，酸酸地非常开胃。😆炒得几干身，不过长通粉每条依然挂住左啲汁。男朋友话通常拿破仑都会用辣肉肠呢啲比较重味既肠，但呢间只系用普通肠仔，实在失色。😞—两个人食个晚餐，都唔算贵既。蛋包饭系值既，但系拿破仑就差左少少啦。