Y Show Tasty (已結業)

近日尖沙咀行完街揾野食，知道H8呢度好多餐厅，就去楼下水牌望下🤔 见到呢间Cafe style嘅西餐厅，个名咁得意😎就去试下系咪真系咁tasty😆 上到去餐厅唔算好大，大概10零张枱，侧边有个bar位，同朋友黎饮下野都几适合👯‍♀️美式单骨鸡翼🍗($98) - 餐厅除咗普通menu仲有个Chef’s Choice，无乜头绪嘅我地就喺𠮶度拣个小食。鸡翼系脆炸嘅，调味好足够类似有少少cajun味，上面再淋上蛋黄酱，好邪恶😎黑松露忌廉意大利饭🍛($148) - 呢味黑松露同菇箘类爱好者实啱😄 入面好足料，香浓嘅黑松露味再加上好多款唔同嘅菇菇🍄菇嘅比例仲多过饭咁滞🤣啖啖都好有咬口。经典美式煎封西冷扒配薯菜🥩($298) - 食肉兽又据扒啦😄 我地叫左Medium，面头微㶶有少少焦香味，肉质生熟度煮得啱啱好，切开有肉汁流出。牛扒会有少少筋位，肉味几浓。牛扒面头有海盐黑椒调味，唔洗点sauce都够味。浓味人士可以夹埋原粒烤蒜或者点芥末一齐食，享受唔同口味。