十二味不只是烤魚 (已結業)

收工近近地打算是但食饱就返家休息，点知有意外惊喜？ 查实每次经过餐厅门口见到招牌写住「不只是烤鱼」都好想去试下，今次终于有机会一锡香鱼。同朋友一致同意叫招牌香辣烤鱼（228$）餐单有好几款鱼拣不过今次就挑战咗鲩鱼（怕多骨嘅朋友可以拣桂花鱼, 店员推介无咁多骨）辣味方面：唔多食得辣但又心思思想辣下就点咗小辣一上枱条鱼好巨。。。连朋友都忍唔住拎起相机食先！建议多D人一齐去可以食多D唔同既配料。我地二人行就只系叫咗宽粉同莴笋喇！最佳配搭无得输，宽粉吸哂啲精华！辣味提升！不得了！ 辣辣地当然要叫饮品解下渴！桂花冰酿：用料好足有三份一嘅桂花系杯内，饮落桂花味道好清香。而朋友个杯系热情果梳打，梳打大大杯，入面有好多热情果籽唔会太甜刚刚好，有啲喜出望外饮品都咁出色。甜品唔小得红糖糍粑（本人好喜欢食糍粑），不过有小小失望系今次个糍粑比较软身，可能太过心急即刻食啦，所以食落好软糯。整体黎讲，食品份量好足，点嘅菜每款都相当满意，价钱唔算太贵，每人200$有找，餐厅环境唔会太迫最啱同朋友一定大细齐齐去食。