和府撈麵

营业中

休息中

寻日行过，见佢新开咗，即刻走入去试吓，餐厅环境唔算好大，但又落地玻璃望出窗外，二人座位系最多。小苏肉：即系炸嘅猪肉条，肉质都几嫩，一咬就开，有个酥脆嘅外皮包住，钟意食辣嘅可以点埋𠮶啲辣椒面，我都食到。牛肉串：可以拣唔辣嘅，一份有五串，一串大约有两弹，有啲孜然味，咸咸地，牛肉都系易咬嘅，我仔七岁都咬得开。当归猪软骨面（粗粮面）：汤底有浸当归加花奶嘅味道，猪软骨大概有四粒，超入味同好腍，面底有三款㗎，我记得有粗粮面、同埋澳洲小麦粉嘅面，另外一款系通心面，我应该会分几次试吓。粗粮面面质系比较幼嘅，初头咬落去都有少少口感，而最令我意外就系佢碗面入边嘅菜，佢个味好特别，连口感都好特别，个味道有少少似茼蒿，但冇咁大阵味，质地有啲似菜胆咁。陈皮柠檬茶：唔系好够冻，建议加多啲冰，同埋味道偏甜，不过饮落真系有浸淡淡嘅陈皮味，唔苦嘅，几特别。食评总结：望上去每样嘢都CP值好高，但其实嗌落又唔系话真系好平，商场嚟讲算系正常嘅价钱。本身我嘅口味系钟意食当归汤面，以前啲台湾即食面有得拣当归面，我都会买返屋企食嘅，餐厅味道系唔差嘅。