鵝鹵宮

营业中

休息中

屋企人就最钟意食中菜，于是乎我就带左佢去Yoho mall新开嘅《鹅卤宫》试下经典潮州菜。餐厅为求营造最「潮」嘅用餐体验，所以用左船缆、船架去带出潮州独有的水乡风情。卤水鹅拼盘入面有6款香港人至爱嘅卤物，包括卤水鹅片、卤水鹅肾、卤水鹅翼、卤水鹅肝、卤水鹅掌及卤水鹅肠。我自己就最钟意食卤水鹅片，肉质厚实又有非常入味。茶树菇花胶炖乌鸡非常足料嘅靓汤，有花胶、茶树菇和乌鸡。汤底清澈又唔油腻，味道清甜。卜卜脆蚝烙经典家常潮州菜，炸皮厚度刚刚好，食落非常香脆。内层蚝肉大只又锁住肉汁，好juicy。香芒虾球配梅羔酱烤骨一次过试哂虾和猪肋骨，首先虾球用左芒果肉做酱汁，更加突显其鲜味。而烤骨方面肉质软腍又带酸甜，非常开胃。茶树菇银线小豆苗食完肉类，就想食番啲蔬菜。小豆苗吸引哂上汤嘅味道，熟度刚好又爽口。蛋白杏仁茶好嘅一餐当然唔少得甜品，口感幼滑又有杏仁香，好滋味呀。