YOLO Cafe & Bar (已結業)

下昼放假有d仪式感即刻揾返间餐厅食返个tea time lunch. YOLO cafe & bar位于旺角染布房街，门口招牌用上草绿色，离远就已经望到。餐厅里面装修风格简洁，主调用上灰白色，云石纹等。位置松动，坐落舒服安静。轻食，主食都有，饮品选择多。就算唔饮咖啡都有其他选择。落单用QRcode，但都有menu可以睇。主食我叫左餐厅推荐嘅 自家制青酱大虾虾意粉。份量都唔少，数过下，虾都有6只，咬落好弹牙。意粉用嘅系扁意粉，食落挺身有咬口，配青酱每啖都食到香草嘅香味。面头仲加左d芝士碎，带多一份咸香嘅味道。而饮品叫左Ice mocha，冰粒够大粒，饮到尾都冇溶哂。整体幼滑，朱古力唔会太甜或者抢哂咖啡嘅味道，饮落先有咖啡香，后面再有朱古力嘅香味出黎。系我几钟意嘅mocha!最后就系甜品-焙茶tiramisu，店员见到我食完主动问甜品可以上未，够细心。甜品焙茶tiramisu，非常幼滑，海绵蛋糕湿度啱啱好，有淡淡嘅焙茶香味。绝对系坐得舒服嘅好地方~