影片
更多
2021-03-01
35 浏览
近排lunch time钟意嚟呢间泰式餐厅，平靓正，今日又翻兜~首先上菜嘅系小食水牛城串烧鸡翼一上台已经闻到好香嘅烧鸡味，鸡翼皮脆肉嫩，香辣可口，令人食唔停口呀芝士蘑菇忌廉鸡翼鸡翼入面酿咗芝士同蘑菇，呢个组合点会有得输。热辣辣出炉，芝士味份外香浓！招牌烧豚肉饭（定食） 分量十足嘅定食～铺喺面嘅青木瓜沙律酸甜清新，爽口醒胃。豚肉厚薄适中，肉质软稔；豚肉酱汁浓稠，甜中带辣，味道层次丰富；配埋温泉蛋同青瓜丝一齐食，非常之夹！！啲饭同汁都好多，食到最后一口都仲有汁可以捞。呢个价钱食到咁高质嘅豚肉饭，真心物有所值。 个定食仲包埋汤同三色小食：冬荫公汤唔算好辣，带有浓浓嘅椰奶香；三色小食嘅鱼饼肉质弹牙，好食；布朗尼蛋糕中间有朱古力粒粒，真系好饱足嘅一餐
首先上菜嘅系小食
水牛城串烧鸡翼一上台已经闻到好香嘅烧鸡味，鸡翼皮脆肉嫩，香辣可口，令人食唔停口呀
芝士蘑菇忌廉鸡翼鸡翼入面酿咗芝士同蘑菇，呢个组合点会有得输。热辣辣出炉，芝士味份外香浓！
招牌烧豚肉饭（定食）分量十足嘅定食～铺喺面嘅青木瓜沙律酸甜清新，爽口醒胃。
豚肉厚薄适中，肉质软稔；豚肉酱汁浓稠，甜中带辣，味道层次丰富；配埋温泉蛋同青瓜丝一齐食，非常之夹！！
啲饭同汁都好多，食到最后一口都仲有汁可以捞。呢个价钱食到咁高质嘅豚肉饭，真心物有所值。 
个定食仲包埋汤同三色小食：冬荫公汤唔算好辣，带有浓浓嘅椰奶香；三色小食嘅鱼饼肉质弹牙，好食；布朗尼蛋糕中间有朱古力粒粒，真系好饱足嘅一餐
张贴
