新橋世民私房菜 (已結業)

经朋友介绍发现有一间楼上舖既私房菜，专程预约左晚上来开餐，环境清静，最适合同老友一聚。最特别是餐厅无菜单，要预先同餐厅沟通食物安排再作加减，得出黎既结果菜式绝不马虎头盘系石蚌，酱汁用一款好特别既油醋制成，酱汁有种甜甜酸酸既感觉配上海鲜石蚌，非常开胃而且石蚌食落好爽口仲有d蕃茄粒作伴碟~又好味！一流既前菜。之后系一款乌鸡猪展炖汤，完全无过多既油仲系100%无味精，材料十足，清甜且不油腻，饮完唔会觉得口渴~单系呢款汤已经无得弹跟住系特浓虾汤配上带子饺，同之前既炖汤不一样既感觉，带子饺内有干坤，原来仲有磨菇粒同松露，味道浓烈。个虾汤底既鲜味简直在口腔内持久不散。金榜汁配稻庭面：面非常幼滑，质感一流带点咬口！汤底系喇沙带点香辣椰香，酱汁一流，如果加些配料更好白胡椒配澳洲皇帝虾~好爽身，大虾鲜味与白胡椒既香味完全配合，时间岩岩好，真正色香味俱全，啖啖肉。而且虾头既膏甘香细致超赞~厨师还特地询问客人意见，可以见得出厨师尊重每位客人，力求进步。