鳴門魚市場居酒屋 (已結業)

一向对鸣门集团旗下都好有好感不论系九龙湾个间定系胜利道个间,品质都好不错!平时经过旺角呢间,每次都见到好多人,未入过去,今次就Book左台去试下!!呢间舖唯一既扣分位就系枱与枱之间好密,都明白嘅,位于旺角呢啲核心地区,不过为左食好嘢冇所谓啦一坐低见到隔离枱个海胆饭,好吸睛! 侍应话星期一二海胆饭做紧特价,$38🤩咁平真系一定要叫! 反正我哋本身就打算嚟食海胆饭,而家平咗好多,好抵!呢度每人限嗌一碗,然后每人必须要叫多一样食物,都好合理! 我哋就叫咗个寿司拼盘同埋串烧。细细碗嘅海胆饭铺满晒海胆系上面而且海胆一啲都唔苦好鲜甜,CP值好高!!唔好睇佢细细碗食完真系有啲漏有啲饱!和牛串烧&芦笋猪肉串都几好食,反而相比之下寿司拼盘就有啲失色,鱼生唔及海胆新鲜,提一提番,特价海胆饭只限堂食不设外卖,最后埋单每人220蚊,食左1个钟左右就走lu,因为出面有人等紧位唔好意思坐咁耐!