養心殿台式養生鍋 (已結業)

之前睇到Openrice 呢间打边炉，d汤底已经好吸引，今日出九龙，所以一早book定枱食餐劲！一坐底就选左个鸳鸯汤底：酸菜白肉锅和美人锅，个锅好足料，酸菜锅仲会额外送多碟酸菜白肉，里面仲有宽条面，浸向汤到，好入味！而美人锅好啱我地d女士，😍😍有半只乌鸡、红枣、当归等，即刻饮返碗汤滋补下先！呢到d服务员仲服务周到，好细心咁提醒我地d乌鸡要煲耐少少先好食，于是我地大概一个多钟后先食，的确yummy😋依家食野唔再追求大件抵食，而系要真材实料、食得健康，呢到绝对满足我噶要求😆😆极上雪花肥牛：很大份，十分肥美新鲜！估唔到肥牛一样出色！墨鱼丸：新鲜弹牙，唔同有d餐厅用雪藏的。杂锦蔬菜盘：有不同的菇和菜，d菜好新鲜好绿！喜出望外的系竟然有柚子沙冰及芋圆汤水送到，为今餐划上完美的句号😁期待下次试埋其他汤底同配菜。