ZipZip

营业中

休息中

餐厅：ZipZip（前身系Mamaday，装修都唔同左）地点：铜锣湾霎西街菜式：玩味cafe餐牌：平日12点到3点都有午餐，包主菜6选1（有意大利粉，全日早餐，比萨，蛋包饭，乌冬，汉堡），汤或者沙律，黑茶，另加一，其他饮料有折扣减$20，可加钱配小食或者窝夫/甜品。时令沙律（跟餐）今日个汤系南瓜汤，我地都要沙律。沙律主要系杂菜沙律底，加上新鲜红橙车厘茄，蓝莓同火龙果。酱汁系黑醋，健康好味。樱花虾温泉蛋咖哩猪颈肉卡邦尼 $128 另加一樱花虾温泉蛋咖哩猪颈肉卡邦尼系浅黄色扁意粉上面加上一只温泉蛋，洒上樱花虾仔同香草加芝士粉，意粉好滑，个咖哩汁味道刚好，唔会太辣，食落蛋味重，捞有唔少爽口杂菇粒同爽脆猪颈肉，仲有洋葱粒。个汁够多，味道唔错，唔会太重口味。呢个系一个清淡版既卡邦尼。牛油果三文鱼比萨 $138 另加一牛油果三文鱼比萨一开6块。批底系我最爱既超薄脆，食完唔会过饱。每块批上面都有两片烟三文鱼同牛油果蓉，撒上香草。最特别系有丰富滑溜薯蓉，加埋拉丝芝士，口感系滑溜、滑溜加滑溜。蜂蜜黑茶，无糖黑茶（跟餐）原来黑茶都有两种味道拣。无糖都唔会苦，唔错。加左蜂蜜甜甜地就更好饮。今餐食物质素唔错。