馬介休、葡國臘腸、燒乳豬、焗鴨飯、煮蜆……想起惹味的葡國菜就令人垂涎三尺！去澳門玩最少要食一餐葡國菜才算不枉此行，以下5間葡國菜館於搜尋排名中名列前茅，證明是最受我們食家會員歡迎的選擇，快手訂位趁放假食一頓靚葡菜吧！

Restaurante ESCADA
Escada位於有80多年歷史的南歐風格建築物內，情調優雅甚有歐洲風味，供應的是傳統葡國菜，食家唯靈亦曾撰文讚賞。
~為食mui~：非洲雞($128)：標明是signature dish，當然不可不試啦！賣相非常誘人，雞是連骨那種，份量不少。濃濃的醬料緊附在雞的表面，因為焗過，所以面層更為香口。混有大量椰蓉和番茄，甜、酸、辣交錯，味道確實豐富。
蝗蟲同學：Baked duck rice($95)：焗鴨飯……焗得好乾身，面頭有bacon及幾片葡式臘腸，中間及底下就有好多鴨肉絲。葡式臘腸及bacon就太鹹唔啱食，鴨肉絲硬而無味，而最好食就當然係d飯，夠香，唔膩，我覺得乾身得滯，食到有點口乾。不過整體係幾好食的。

船屋葡國餐廳
於1989年開業的船屋向來受遊客歡迎，有時候致電訂位也有難度，此店的葡菜帶有葡國北部的鄉村風味，以海鮮燴飯、西班牙煮蜆及炭燒扒類等最馳名。
sugar9413：海鮮燴飯，果然名不虛傳,好多人叫，真係好味，湯汁充滿蝦味，香濃而不過咸,材料豐富，有4隻青口，好多蝦仔，蟹腳仔。不過其實有幾多都唔重要，因為凈係得d湯，食哂成鍋飯都唔係問題呀
belbelchu：檻欖汁煮蜆……另一個西班牙蜆是辣的，我們都吃不了辣丫~的確，那個汁的蒜香味好重，我們還自創用這汁點豬仔包 (不過點得太多會反而有點咸)蜆的份量也不少，我想大概有五十多隻吧... 而不太好的是蜆有少少沙

九如坊餐廳
澳門出名的甜品不少得木糠布甸，九如坊亦是以此馳名，雖然定價較高，但質素的確比坊間一般的高，當然亦有不少主菜供應，但很多人都為吃木糠布甸而來。
herbert：木糠布甸：9分，$58一客，份量不算大，是否好貴？……這裡的木糠布甸，吃一口，係相當之冰凍，雪得實一實，在天熱吃，剛好，也要慢慢的一下一下的片落去。淡忌廉同埋煉奶的份量做得好，不太甜，加上每層中間的馬利餅點綴，高水準。
=架架麵=：焗鴨飯，主角登場了！很香的鴨飯，小小的一個已經$14x,真是貴…但是未試的朋友一定要叫呢……面的香腸不太咸，比美食坊做得好，迎合了本地人的口味！而飯裡面很多鴨肉，用料十足！鴨肉有本身的香味，散發到飯內面，美味！

法蘭度餐廳
法蘭度餐廳位處遠離煩囂的黑沙海灘，路途雖遙遠但向來口碑不俗，不少人都專程前往光顧，葡式燒乳豬及燒沙甸魚都是食家的必食推介，新鮮出爐的麵包也備受好評。
nickname723：燒乳豬：必點，外皮燒得香脆中間有一層薄薄的油脂，咬下去有濃香既燒豬油散出來，但油脂夠薄所以不會太滯，豬肉亦很嫩滑正！唯一要彈係略咸同幾貴($138)~
小連：來到澳門無理由唔飲Sangria的呢﹗我地食完確憩去左黑沙環法蘭度﹗睇住個bar tender沖架喇﹗九成紅酒再加點點7up及芬達，濃度十足，這是澳門最好飲的Sangria，香港的酒吧更加係無得比﹗

海灣餐廳
由土生葡人經營的海灣標榜供應家傳菜，而裝潢則充滿歐陸風情，焗鴨飯、焗豬扒飯、腐乳炒蟹、血鴨煲等都是招牌菜。
菲比熊：焗蟹蓋(2個)$160……賣相十分精緻……真係齋望都覺得叫呢個係冇錯~俾足200分！用小匙羹吃一口，香脆，熱辣，新鮮蟹肉味，全混在口裏，味道十分豐富！最滿足嘅係啖啖純蟹肉，無乜點溝其他野去做，又唔會炸得太油膩，混咗d白汁又好好帶出蟹肉嘅味道！
Masayuki：焗豬扒飯：呢個係我暫時食到最高分既焗豬扒飯。做法唔馬虎，先炸好豬扒，用葡國腸切幼粒、茄汁/膏、蛋炒香個飯底，再放之前炸好既豬扒係面，淋上特製茄醬，用瓦煲去焗！個豬扒邊仲有脆脆地，飯既乾濕度適中，豬扒既味道亦唔錯！