亞洲美食坊

营业中

休息中

黎到澳門旅程的尾聲，臨上船前黎到亞洲美食坊用埋個package午餐贈券。呢度不折不扣係一個food court，加上大部份都係手執贈券的食客，其㠊冚程度可想而知。是日一共六款免費餐任君選擇，叫做有得揀，點都好過冇得揀。拿拿林叫左三款醫肚就算。先彈朕呢碗肥牛米線，肥牛名乎其實得個肥字，失敗！米線浸到過曬龍淋曬，失敗！蘿蔔湯d蘿蔔冇揀過有渣，失敗中嘅失敗！其餘兩味分別係野菜烏冬同埋榨菜蒸雞飯，同樣係是是旦旦求求其其咁，叫做填得飽個肚。呢一刻先至明白咩叫做「乘興而來，敗興而歸」的箇中道理，覺悟了便能一笑置之，輕裝上路外港碼頭，瀟瀟灑灑地返香港。

之後，我們再吃，再吃的原因，就是因為我們上發財車之時，美女迎賓給我們的優惠券。MOP10元有一隻葡撻同一杯奶茶。這一個《亞洲美食坊》是一個 food court，來的日子是星期五，food court 不是太多人，及而我發現有不少穿校服的學生，三五成群的在吃喝，在做 group project 之類的東東。葡撻，並不是兩大餅店的出品，期待感一定沒那麼高。這兒的葡撻，甜不會太甜，皮雖然夠酥香，但不太脆，食落，雖有葡撻應有的焦糖味，但撻皮就同普通蛋撻的分別不太大。沒什麼特別興奮的感覺，我們吃好，就回去巴士站找車接駁去《Studio City》。