亞洲美食坊

营业中

休息中

黎到澳门旅程的尾声，临上船前黎到亚洲美食坊用埋个package午餐赠券。呢度不折不扣系一个food court，加上大部份都系手执赠券的食客，其㠊冚程度可想而知。是日一共六款免费餐任君选择，叫做有得拣，点都好过冇得拣。拿拿林叫左三款医肚就算。先弹朕呢碗肥牛米线，肥牛名乎其实得个肥字，失败！米线浸到过晒龙淋晒，失败！萝卜汤d萝卜冇拣过有渣，失败中嘅失败！其余两味分别系野菜乌冬同埋榨菜蒸鸡饭，同样系是是旦旦求求其其咁，叫做填得饱个肚。呢一刻先至明白咩叫做「乘兴而来，败兴而归」的个中道理，觉悟了便能一笑置之，轻装上路外港码头，潇潇洒洒地返香港。