影片
以上资料只供参考，请与餐厅确认详情
環境係比較古舊殘舊，應該都有一段歷史，2間店鋪，態度唔差，坐位都還好啦。價錢還可以既，唔太貴，算平民化少少。論食物，偏淡既。由於颱風關係，附近都冇咩好食，入左呢間食個早餐先，餐牌都係好似茶餐廳咁啦，上網睇話必食乾炒牛河，咁就點左一個乾炒牛河+牛尾通粉，上菜速度快既，不過說真的乾牛色水係好睇既，但味道真係偏淡，但佢枱面既醬料都算齊全，加左啲辣椒醬+ 豉油，咁就好味左勁多啦，牛尾通粉令我好懷念，係我兒時食既味道，都好耐冇食過呢重味道了。值得一讚係：8號風球都有營養
继续阅读
如題， 好食到喊。幾廿年老鋪，我真係遲左10幾年先知。雀仔園公仔記既炒麵真係好好食。落單即炒，新鮮熱辣。雖然我甘坐正係個冷氣風口位，麵快左凍，但都仲係好好食。最後叫左支細cola...真係完滿，prefeito
继续阅读
很愛到雀仔園這邊買菜，也跟附近的檔攤當了朋友，那種感覺很親切，買菜也特別開心能聊有時候，會讓男伴先來這邊歇歇腳 邊吃東西邊等我。反正個大男人跟著我，也不懂挑肉揀菜的啦倒不如讓他吃個下午茶，等我買好菜後再過來接他吧～～像大排檔的店面，很隨性簡樸。它共有兩個店面，應該是後來擴充的吧供應著的食物很多樣化，基本上茶餐廳有什麼在這都吃得到，跟香港的差別就是沒套餐吧我倆來過很多很多遍，但照片呢 ... 現在才發現拍得並不多！牛奶紅茶 ﹝MOP$12﹞ 就是凍奶茶來的啦，它還有款是用維記牛奶瓶裝的，價格也會略高些味道很合我的胃，甜度不高但奶香細滑，茶味稍稍不足！ 但合格有餘啦火腿奄列 ﹝MOP$17﹞ 也有牛肉 / 叉燒 / 芝士的選擇，煎得四四方方的奄列雞蛋不算滑溜還略熟了些，不過我喜歡它滿滿的火腿片～ 還是吃得很過癮雲吞雞翼撈麵 ﹝MOP$??﹞ 有發現到我很常吃撈麵嗎？？大概是被這邊影響的嚕雲吞餡料以豬肉為主，調味不過份的濃，外皮夠薄也滑嫩。咖哩雞翼的個子也不少，咖哩香而不辣爽彈的幼麵掛滿醬油青蔥的香氣，簡單但滋味卻不錯乾炒牛麵 ﹝MOP$36﹞ 點的是炒河粉，我的最愛！從小就很愛吃，也不怕油膩公仔記的炒得有鑊氣也不油，吃到最後碟子也沒留下大量油份，每條河粉都很分明 平均的沾上醬油牛肉芽菜的份量也不少，肉味雖淺但很有咬勁，帶微粗糙感。下回來到澳門，不妨多走兩步來到雀仔園。這是個小小的美食天堂藏著不同的美味東西，也有好吃的糖水～ 現在我又餓了
继续阅读
大家都知細龜已結業, 我唯一會食乾炒河的地方, 人生只食過2次, 沒了...某日因北上工作而早起, 亦因此攞左一份好多阿婆會搶既"地鐵免費報", 剛巧就在我出發過馬交前幾天...有筆者介紹鑊氣十足的炒麵, 不只細龜, 還"可以一試"荷蘭園公仔記.酒店CHECK OUT後, 在花旗骰檯上很快輸掉$300, 很傷心耶...心息過後想話快脆撘的士去食第一餐, 的士司機唔識崗陵街, 更唔識公仔記(仲以為好出名), 最後佢晌荷蘭園掉低我們.不妙, 首先地圖上只有三盞燈, 不見荷蘭園崗陵街, 眼前的"荷蘭園"就好似一條無盡頭既彌敦道!更正, 是小貓三四隻, 冇乜舖頭開既冷清清馬路... 找個人都難, 別說找一間未去過的舖頭...幸好遇見一名交警, 得佢指示先知崗陵街應該向左走而不是向右走!佢仲話, "離呢度好遠喎!" 真.大.學...唔錯都錯左, 唔黎都黎左, 幾大就幾大, 向住應該有的目標前進吧...落斜上斜落斜...條街終於旺番少少, 已經流緊大汗!(果日SUPPOSE有點涼, 我著左件軍褸)再遇貴人, 係一間青少年中心既職員(妹妹仔), 佢唔識崗陵街, 但識公仔記, 仲有, "麻麻地咋喎", 心都淡埋...好喇, 搵到條街喇終於, 但只係另一條冷清既住宅大廈街巷, 公仔記呢?又逼住再問人, "花檔再轉入去!"嘩, 上埋樓丫笨...真係終於終於終於搵到喇, 救命, 我要食晏呀!厚切西多, 糖膠, 好味!炒齋麵$14, 係"地鐵免費報"筆者推介之一, 好似我地粥品店既炒麵, 當然... 公仔記好好食呀!有陣鑊燶味, 但絕冇炒燶麵/食材, 麵好爽, 彈, 乾身, 冇乜油剩晌碟.檸茶, 唔夠凍... 唔夠飲...奶茶, 朋友話唔合格, 都係飲汽水啦!魷魚河(十幾蚊), 好多舊魷魚(相入面已經食左幾舊) , 係水魷魚, 問佢要辣椒油, 佢比左D咖哩辣油, 朋友話都幾好味~豬手河(十幾蚊, 冇影相), 係南乳炆, OK好味.因為好肚餓, 決定試埋佢既公司炒麵(類似招牌菜咁), 原來即係炒齋麵加魷魚, 牛肉, 豬肉, 咁就DOUBLE價錢了! $28期間我地2個公司炒麵嚴重漏單, 人地食完我地都未有... 追左幾次, 最後都有得食...仲叫左支可樂, 埋單有5毫子零頭真係唔知佢點計, ANYWAY, 4個人每人$40有找, 飽飽.運另一條路走, 頂... 過條天橋行7分鐘就係議事亭囉! 這麼遠原來其實那麼近!可能真係又攰又好餓, 覺得特別好食, 下次識黎再試乾炒牛河, 應該唔差得去邊!
继续阅读
您可能会有兴趣的...