御前上茶

营业中

休息中

行左差不多一小時真係又熱又攰，行行下就見到呢間日式cafe好似幾正，於是就入左去叫杯雪糕降降溫🥵🍃 原來呢間係來自台灣既抹茶過江龍，用左「森半抹茶粉」製作甜品，唔怪得雪糕充滿住濃濃的抹茶味道🍵🍦💚💰御前霜淇淋盛合 MOP 78充滿住和風韻味既甜品💚抹茶雪糕配搭住清爽抹茶凍、軟糯白玉糰子同蜜漬紅豆。盤子下面有乾冰製造出仙境效果，打卡一流🤤抹茶雪糕帶點苦澀味道，完全唔甜，抹茶味豐富濃郁🤤配上帶微甜既紅豆中和返抹茶既苦澀味道，不會過膩☺️

對於一個抹茶控，當然喜歡四出試下各方以抹茶為主題的餐廳。今期選中了這一間，餐牌五花八門，除了飲品，甜品，小食，還有主食。蕨餅是日本傳統食品，多數配以焙茶或蜜糖來中和綠茶的苦澀。個人口味，鐘愛焙茶醬多一點，綠茶粉均勻分佈在蕨餅上，味道很濃。特色飲品抹茶豆腐飲，原來是內裡加了一磚豆腐，雖然味道不算太特別，但當作新體驗，試試新口味也無不可。以這兩款抹茶食品來評價，此店中規中柜，沒有太大驚喜。反而另點了一客鰻魚烏冬，烏冬是我最愛的 扁烏冬，鰻魚入口肥美，為這餐下午茶劃上了句號。

網上面見到推薦呢間鋪既食物就從香港專誠黎澳門一嘗首先呢間鋪既環境同食物都幾好但服務差到我唔會再食我同屋企人18:15左右入去個陣其實得兩枱客一枱4個人一枱3個人佢地都係有兩張枱拼埋一齊但我3個人就要迫係一張枱咁自然就要求加多張枱個店員話而家節日同食飯時間所以唔可以加多張枱咁我都理解嘅咁就等呢嘢食嚟到嘅時候我見到都只係多咗一台嘅顧客都仲有好多位咁我就再一次要求加多張枱因為我地都叫左3個餐但店員都係話唔可以講真3個人3個餐但迫係一張枱咁我就直接講話咁分單 係咪唔俾一個人入黎食？講到咁先比多張枱我明明人地3個人都可以有兩張枱拼埋係咪就係因為佢地講國語？仲有我入去既時候間鋪有4個店員再加個男人唔知係咪老闆我地叫店員落單都要叫勁耐先有人過黎幫我地落單個個都係望一望我地 然後繼續傾計身為老闆見到員工咁樣係咪應該提醒一下？我想問你收我加一服務費 但提供左咩服務俾我？希望貴公司可以改善一下

難得放假，去左澳門一日遊。🚢係瘋堂斜巷消磨左半個下午，誤打誤撞入左呢間日式小店。店入面環境唔錯，冷氣夠又乾淨，行到攰入去坐好正。🤣身為榴槤怪，見到佢個期間限定即刻無法抵抗。熱情老闆介紹話，呢個系列用左真正D197貓山王，所以完全同其他地方嘅香精榴蓮雪糕唔同層次😋。見佢講到咁吸引，我就叫左個貓山王雪糕芭菲試下。平時食開嘅榴蓮雪糕通常都係盒裝硬雪糕...個人認為呢個軟雪糕真心正好多🤩 又滑又有超濃榴蓮味，配埋個脆餅食好夾。芭菲頂仲有少少真榴蓮肉，又係另一種唔同嘅口感👍🏻👍🏻👍🏻芭菲底層仲有脆米、豆腐味布丁同海綿蛋糕。口感豐富之餘，所有野夾埋係清清地，唔會太甜，啱晒我🐷友人唔係榴蓮派嘅，就叫左個抹茶雪糕。佢話都係水準之作，唔怪得佢叫御前上「茶」🍵。順帶一提，店門口有另一個窗仔，專門外賣雪糕同飲品，又有個巨型雪糕比人打卡，幾得意。

去了御前上茶食綠茶🐵🐵叫左兩set甜品，鬆餅配上有焙茶味的雪糕，味道唔錯的。叫左兩杯綠茶飲品，好夠凍，好香好好味既綠茶😋😋價錢適中，賣相吸引！......